+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Maqtaaralda jańadan salynyp jatqan 200 úıdiń qurylysy aıaqtalýǵa jaqyn

2020 jylǵy 1 shilde 22:54
Bólisińiz:
Maqtaaralda jańadan salynyp jatqan 200 úıdiń qurylysy aıaqtalýǵa jaqyn

MAQTAARAL. QazAqparat – Túrkistan oblysynyń ákimi Ómirzaq Shókeev Maqtaaral aýdanynda bolyp, tasqyn sýdan zardap shekkender úshin salynyp jatqan turǵyn úılerdiń qurylys jumystarymen tanysty. Daıyn bolǵan baspanalardyń sapasyn baqylap, turǵyndarmen kezdesti, dep habarlaıdy QazAqparat tilshisi.

Uqsas jańalyqtar

Qazirgi tańda Myrzakent kentindegi jańa móltekaýdanda boı kóterip jatqan 550 úıdiń 200-i tapsyrylýǵa jaqyn. Biriniń shatyry shabylsa, endi biriniń ishki árleý jumystary júrýde. Móltekaýdandaǵy qurylys jumystaryna 31 merdiger mekeme men bir jarym myńǵa jýyq adam jumyldyrylǵan. Munda gazben, elektrmen jabdyqtaý, aýyz sý júıeleri jáne káriz júıelerin tazartý , 12,7 shaqyrymda oram ishindegi joldardy salý josparlanýda.

Aımaq basshysy qurylystyń sapasyna zer salyp, úılerdi uzaqqa sozdyrmaı tapsyrý qajettigin basa aıtty.

Sapar barysynda óńir ákimi sondaı-aq, sý tasqynynan zardap shekken Órgebas eldimekenin qalpyna keltirý jumystarymen de tanysty. Ondaǵy turǵyndarmen kezdesip, usynys-pikirlerin tyńdady. Búgingi tańǵa munda 188 otbasyna 8,5 mln teńgeden qarjy aýdarylǵan. Qalǵan qarajat qurylys jumystaryna qaraı úlestiriletin bolady dep josparlanǵan. Qazir 130 úıdiń irgetasy quıylyp, 34 úıdiń qabyrǵalary qalanýda. Taǵy 5 úıdiń shatyry jabylyp, qurylys jumysyna 613 adam tartylǵan.


Ómirzaq Shókeev munan soń Jańajol aýyldyq okrýgi, Fırdoýsı aýylyn qalpyna keltirý jumystarynyń barysymen tanysty. Tasqyn sýdan zardap shekken bul aýylda 277 otbasynyń árqaısysyna 8,5 mln teńgeden qarjy aýdarylǵan. Jalpy búgingi tańǵa 188 úıdiń irgetasy quıylyp, 45 úıdiń qabyrǵasy qalanýda. 2 úıdiń shatyry jabylyp, qurylys jumystaryna 823 adam tartylǵan.

Óńir basshysy jaýapty basshylarǵa naqty tapsyrmalar júktep, tasqyn sýdan zardap shekken aýyldardaǵy tótenshe jaǵdaı saldaryn joıý jumystary jeke baqylaýynda bolatynyn atap ótti.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT