+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Maqtaaralda jańa shaǵynaýdan ashylyp, 386 úı el ıgiligine berildi

2020 jylǵy 19 qazan 14:58
Bólisińiz:
Maqtaaralda jańa shaǵynaýdan ashylyp, 386 úı el ıgiligine berildi

MAQTAARAL. QazAqparat -Tehnogendi sıpattaǵy tótenshe jaǵdaı oryn alǵan Maqtaaral aýdanynyń turǵyndary qonys toıyn toılaýda. Apat aýmaǵynda qıraǵan úıler qalpyna keltirilip, Myrzakentte jańa shaǵynaýdan boı kóterdi, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Uqsas jańalyqtar
Qaraǵandyda qoljetimdi turǵyn úı qurylysy boıynsha jańa joba júzege asyrylýda Jambyldyqtar asarlatyp, 50-ge jýyq muqtaj otbasyǵa úı salyp berdi SQO-da jas mamandardy baspanamen qamtý úshin óńirlik baǵdarlama jasalady

386 otbasyn qýanyshqa bólegen qonys toı saltanatty túrde atap ótildi. Qonys ıeleriniń qýanyshymen bólisý úshin Maqtaaral aýdanyna arnaıy kelgen Premer-Mınıstrdiń orynbasary R.Sklıar, Ózbekstan Respýblıkasynyń sý sharýashylyǵy mınıstri Sh.Hamraev, Túrkistan oblysynyń ákimi Ó. Shókeev turǵyndardy quttyqtap, baspana kiltterin tabystady.

Alǵash bop sóz alǵan QR Premer-Mınıstriniń orynbasary, Tótenshe jaǵdaı jónindegi respýblıkalyq komıssııanyń tóraǵasy Roman Sklıar maqtaaraldyqtardy quttyqtap, ıgi tilegin jetkizdi.

Sonymen qatar, Maqtaaral aýdanynda oryn alǵan tótenshe jaǵdaı kezinde erekshe qyzmet atqarǵan bir top azamattarǵa QR Premer-Mınıstriniń alǵys hattaryn tabys etti. Olardyń arasynda Ózbekstan Respýblıkasynyń Sý sharýashylyǵy mınıstri Shavkat Hamraev pen Ózbekstan Respýblıasynyń Tótenshe jaǵdaılar mınıstriniń birinshi orynbasary Abdýlla Kýldashov ta bar.

Jańa shaǵynaýdan turǵyndarynyń qýanyshyna ortaqtasqan oblys ákimi qıyndyqtyń artta qalǵanyn aıtyp, ár otbasy úshin baspanalarynyń berekeli bolýyn tiledi. Sondaı-aq, óńir basshysy jańa móltekaýdannyń qurylysyna atsalysqan birqatar azamattarǵa QR Prezıdentiniń alǵys hattary men «Halyq alǵysy» medalin tabystady.

«Sardoba sý qoımasyndaǵy bógettiń buzylýy shekaralas eki el úshin de ońaıǵa soqpady. Apat aıtyp kelmeıdi. Osy tosyn jaǵdaıdy estip, maqtaaraldyqtardyń taǵdyryna alańdaǵan Elbasy Nursultan Nazarbaevtyń qoldaýymen, QR Prezıdenti Qasym-Jomart Toqaevtyń tapsyrmasymen Maqtaaralǵa memlekettik deńgeıde qoldaý kórsetildi. Zardap shekken aýyldardyń árbir azamaty qamqorlyqsyz qalmady. Búkil el bolyp kómek qolyn sozdy. Qıyndyqtar artta qaldy, osy sát ómirlerińizdiń jarqyn kezeńi bolsyn. Jańa qonystaryńyz jaıly da, berekeli bolýyna shyn júrekten tilektespin», – dedi Ómirzaq Estaıuly.

70 gektar jerde ornalasqan jańa qalashyqtaǵy 386 úıge Jeńis, Jańaturmys jáne Dostyq eldi mekenderiniń turǵyndary kóship keletin bolady. Munda barlyq ınjenerlik ınfraqurylym tartylǵan. Aýyz sý, jaryq, jylý men káriz júıesi jasaqtalyp, joǵary jyldamdyqtaǵy ınternet jelisine qosylǵan. Sondaı-aq jańa shaǵynaýdanda 1200 oryndyq mektep pen bala-baqsha jáne dárigerlik ambýlatorııa salynýda. Balalardyń oıyn alańdary ornatylyp, aǵashtar otyrǵyzylǵan. Jelilik saıabaq pen gúl baqtary móltekaýdannyń kórkine kórik qosyp tur.

Mamyr aıynda oryn alǵan apat kezinde 30 myńnan astam adam qaýipsiz jerge kóshirildi. Tilsiz jaýdan qutqarylǵan halyq Túrkistan oblysy ákiminiń tapsyrmasymen ashylǵan 24 evakýatsııalyq orynǵa ornalastyryldy. Maqtaaralǵa búkil el bolyp kómek qolyn sozdy.

Kórshi elden apat saldarymen kúresýge arnaıy tehnıkalar men 200 adam keldi. Ózbekstandyq jasaq eldi mekenderge jaıylǵan sýdy tazalaý men sý sorý jumystaryn júrgizdi. Egistik alqaptardy qalpyna keltirip, shıtti maqta etýge atsalysty.

«Nur Otan» partııasy men basqa da qazaqstandyq kásipkerler apattan zardap shekkenderge qoldaý kórsetýde eleýli úles qosty. Elimizdiń túkpir-túkpirinen 700 tonnadan astam azyq-túlik pen gýmanıtarlyq kómek keldi. Sý basqan aımaqtaǵy árbir turǵyn respýblıka bıýdjetinen 100 myń teńgeden qarajat aldy. «Bolat Ótemuratov qory» zardap shekkenderge úı salyp berý úshin 6 mln dollar bóldi.

Reseı kásipkeri Álisher Ýsmanovtyń qorynan evakýatsııaǵa ushyraǵan turǵyndar úshin 5,2 mln dollar aýdaryldy. Bul qarjy 5202 otbasyna (30 420 adam) 1000 dollardan úlestirildi.

Sardoba sý qoımasy bógetiniń buzylýynan zardap shekken úsh aýyl turǵyny úshin Myrzakentten jańa qalashyq boı kóterdi. 386 úıdiń ishinde 196 turǵyn úı úkimet rezervinen bólengen qarajat esebinen, 150 úı Bolat Ótemuratov qorynyń qarjysyna salyndy. 40 baspana «Nur Otan» partııasynyń «Biz birgemiz» qory men «Salıqaly urpaq» qorlarynyń qoldaýymen boı kóterdi.

«Bizdiń qorymyzdyń quryltaıshysy Bolat Ótemuratov qazaqstandyq metsenattar ishinen alǵashqy bolyp kóktemde bolǵan apattan zardap shekkenderge kómek kórsetýdi sheshti. Ol 6 mln AQSh dollaryn bólip, olardy apat saldarynan baspanasyz qalǵan 150 otbasyna arnap úı salýǵa jumsady. Bul óńirdiń qaıta qurylýyna eń qomaqty úles jáne salynǵan úılerdiń eń joǵary sany bop esepteledi. Jobany iske asyrý barysynda biz eń jaqsy materıaldy tańdap, jumys sapasyn qatal qadaǵaladyq. Pandemııa men karantınge baılanysty qıyndyqtarǵa qaramastan, tórt aıdyń ishinde jobany oryndadyq», – dedi Bolat Ótemuratov qorynyń dırektory Marat Aıtmaǵambetov.

Saltanatty shara sońy merekelik kontsertke ulasty. Turǵyndardyń qýanyshyn bólisken Premer-Mınıstrdiń orynbasary R. Sklıar men oblys ákimi Ómirzaq Shókeev baspanaly bolǵan 2 otbasynyń shańyraǵyna kirip, qutty bolsyn aıtty.



Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT