+7 (701) 759 90 19
USD 377.29 EUR 418.41
RUB 6.09 CNY 54.66
Jańalyqtar

Maqtaaralda jańa mobıldik qosymsha nasıhattaldy

2019 jylǵy 27 qarasha 00:39
Bólisińiz:
Maqtaaralda  jańa mobıldik qosymsha nasıhattaldy

MAQTAARAL. QazAqparat – Túrkistan oblysy, Maqtaaral aýdanynda «EGOV MOBILE» jańa mobıldi qosymshasyn nasıhattaý maqsatynda arnaıy semınar-trenıng uıymdastyryldy, dep habarlaıdy QazAqparat tilshisi.

Aýdan ákimdigi men aýdandyq HQKO bólimshesiniń uıymdastyrýymen ótken is-sharaǵa ákimdiktiń derbes bólimderiniń, kentter men aýyldyq okrýg ákimdikteriniń jaýapty mamandary qatysty.

Sala mamandarynyń aıtýynsha, elektrondyq úkimettiń jańa mobıldik qosymshasy qoljetimdi ári uıaly telefon arqyly 50-den astam qyzmet pen servısti paıdalanýǵa bolady. Jańa qosymsha Qazaqstan halqyn qolsozym jerde elektrondyq úkimet portalynyń eń tanymal qyzmetterimen qamtamasyz etý úshin qurastyrylǵan.Qosymsha Android pen iOS operatsııalyq júıesindegi smartfondar úshin qoljetimdi. Mobıldi baǵdarlamada 50 qyzmet pen mobıldik jeke kabınetti paıdalanýǵa múmkindik bar. Jeke kabınette ár azamat ózi týraly memlekettik derekter qorlarynda saqtalatyn derbes málimetterin ala alady. «Jańa qosymsha «Mobıldik úkimet» jobasynyń aıasynda qurastyrylǵan. eGov.kz qosymshasy memlekettik organdardyń qyzmetterin paıdalanýdy yńǵaıly jáne jedel deńgeıge jetkizýge múmkindik beredi. Qosymsha arqyly Siz ózińiz týraly barlyq aqparatty tabasyz, kerekti anyqtamaǵa tapsyrys beresiz jáne belgili bir qujatty aýystyrý qajet bolǵanda PUSH nemese SMS-habarlama alasyz», - deıdi jıynda sóz sóılegen aýdan ákimi apparatynyń basshysy Nurbol Sattarov. Al, aǵymdaǵy jyldyń aıaǵyna qaraı mobıldik formatqa taǵy 20 jańa qyzmetti aýystyrý josparlanǵan. «Mobıldik jeke kabınette» azamattyń ornalasqan jeri, turǵylyqty jáne tirkelgen meken-jaıy, zańdy tulǵa quramyna kirý, nekege turý, jol qozǵalysy erejelerin buzǵany úshin aıyppuldardyń bar-joqtyǵy, sonymen qatar qolda bar jyljymaıtyn múlik nemese kólik týraly jáne t.b. aqparattar ornalasqan. Eger, telefonda elektrondyq tsıfrlyq qoltańba bar bolsa, azamattar atalǵan aqparattardy ala alady. Sonymen qatar, jańa qosymsha turǵyn úıge kezegi men tehnıkalyq qaraýdan ótý merzimin qaraý, lıtsenzııalar men chekterdi tekserý, HQKO-na kezekke turý jáne dárihanalardy izdeý sııaqty servısterdi qoldanýǵa múmkindik beredi. Budan basqa, qosymsha kómegimen paıdalanýshylar kommýnaldyq qyzmetterdi, salyqty, aıyppuldardy, baj salyǵyn, baılanys qyzmetterin tóleı alady jáne Turǵyn úı qurylys jınaq bankindegi shottardy toltyra alady. Aıta keteıik, semınar-trenıngke qatysqan jaýapty mamandar óz kezeginde derbes bólimderdegi, kentter men aýyldyq okrýgterdegi memlekettik qyzmet alýshylarǵa atalǵan mobıldi qosymshany paıdalanýdy úıretetin bolady.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT