+7 (701) 759 90 19
USD 405.66 EUR 454.70
RUB 5.71 CNY 57.43
Jańalyqtar

Maqtaaralda sý tasqynynan zardap shekken turǵyndar jańa baspanaǵa qashan qonystanady

2020 jylǵy 2 maýsym 13:01
Bólisińiz:
Maqtaaralda sý tasqynynan zardap shekken turǵyndar jańa baspanaǵa qashan qonystanady

NUR-SULTAN. QazAqparat - QR Premer-Mınıstri Asqar Mamın Túrkistan oblysynyń Maqtaaral aýdanyndaǵy sý tasqyny saldarynan oryn alǵan tehnogendik sıpattaǵy tótenshe jaǵdaılardyń saldaryn joıýǵa qansha qarajat bólingenin jarııa etti, dep habarlaıdy QazAqparat tilshisi.

Uqsas jańalyqtar
Elordada 8 myń úlesker bıyl páterleriniń kiltin alady Bıylǵy bes aıda Aqmola oblysynda 2085 otbasy baspanaly boldy Turǵyn úıge muqtaj azamattardy esepke qoıý qaǵıdalaryna ózgerister engizildi

«Ózbekstan Respýblıkasynyń aýmaǵyndaǵy Sardoba sý qoımasy bógetiniń buzylýyna baılanysty Túrkistan oblysy ákiminiń bıylǵy 2 mamyrdaǵy №3 sheshimimen jergilikti aýqymdaǵy tehnogendik sıpattaǵy tótenshe jaǵdaı jarııalandy. «Qazaqstan Respýblıkasy Úkimetiniń tótenshe rezervinen qarajat bólý týraly» Qazaqstan Respýblıkasy Úkimetiniń bıylǵy 13 mamyrdaǵy №291 qaýlysymen Túrkistan oblysynyń ákimdigine tótenshe jaǵdaıdyń zardaptaryn joıýǵa aýdarý úshin, onyń ishinde: Maqtaaral aýdanynyń sý astynda qalǵan Dostyq, Jeńis, Jańa Turmys, Órgebas jáne Fırdoýsı eldi mekenderiniń turǵyndaryna ótemaqy túrinde keltirilgen zııandy (zalaldy) 100 000 teńgeden óteý úshin 650 mln teńge; turǵyn úılerdi salý úshin 4 mlrd teńge; Myrzakent eldi mekenindegi ınjenerlik ınfraqurylym qurylysyn júrgizý úshin 3,738 mlrd teńge; Órgebas jáne Fırdoýsı eldi mekenderindegi sýmen jabdyqtaý júıesin qaıta jańartý jáne qalpyna keltirý úshin 562 mln teńge; kólik ınfraqurylymyn qalpyna keltirý úshin 1,05 mlrd teńge bólindi», - delingen Premer-Mınıstrdiń atalǵan máselege oraı Májilis depýtattarynyń resmı saýalyna bergen jaýabynda.

Úkimet basshysynyń atap ótýinshe, tehnogendik sıpattaǵy tótenshe jaǵdaılardyń saldarynan bes eldi mekende (Jeńis, Jańa Turmys, Dostyq, Órgebas jáne Fırdaýsı) 1 030 turǵyn úı zardap shekti. Júrgizilgen tehnıkalyq zerttep-qaraýdyń nátıjeleri boıynsha 437 úı jańa qurylysqa jatady (sonyń ishinde 235 úı Úkimettiń tótenshe rezerviniń qarajaty esebinen).

«Sý tasqynynan zardap shekken zalaldy aldyn ala baǵalaý qorytyndysy boıynsha Úkimettik komıssııa Dostyq, Jańa Turmys jáne Jeńis kentteriniń turǵyndaryn kóshirý jáne Myrzakent kenti aýmaǵynda ornalasqan jańa shaǵyn aýdanda olarǵa arnalǵan úıler salý týraly sheshim qabyldady. Osy maqsatta eldi mekenniń shetine 70 gektar alańymen jer ýchaskesi bólindi. Ázirlengen úlgilik jobalarǵa sáıkes árbir úıdiń jalpy alańy 100 sharshy metrdi quraıdy, bólme sany tórteý bolady. Qurylys alańdarynda 32 qurylys kompanııasy, 900 jumysshy jáne 60 birlik arnaıy tehnıka jumys istep jatyr. Turǵyn úı qurylysyn bıylǵy 1 tamyzǵa deıin aıaqtaý josparlanǵan», - dedi Úkimet basshysy.

Sonymen qatar, Premer-Mınıstr Jetisaı jáne Maqtaaral aýdandarynda áleýmettik turaqtylyqty qamtamasyz etý maqsatynda Túrkistan oblysy ákimdiginiń usynysy boıynsha zańnamada belgilengen tártipte Ózbekstan Respýblıkasynyń aýmaǵyndaǵy Sardoba sý qoımasy bógetiniń buzylýy saldarynan sý tasqynynan zardap shekken Túrkistan oblysynyń Maqtaaral jáne Jetisaı aýdandarynyń agroónerkásiptik keshen sýbektilerine ótemaqy tóleý úshin 2020 jylǵa arnalǵan respýblıkalyq bıýdjette shuǵyl shyǵyndarǵa Qazaqstan Respýblıkasy Úkimetiniń rezervinen 3490,8 mln teńge somasynda qarajat bólý boıynsha jumystar júrgiziletindigin atap ótedi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT