+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Maqtaaral aýdanynyń úzdik dıqandary marapattaldy

2019 jylǵy 12 qarasha 23:17
Bólisińiz:
Maqtaaral aýdanynyń úzdik dıqandary marapattaldy

MAQTAARAL. QazAqparat – Túrkistan oblysy, Maqtaaral aýdanynda kúzgi jıyn-terim naýqanynyń aıaqtalýyna arnalǵan «Altyn kúz-2019» is-sharasy ótti, dep habarlaıdy QazAqparat tilshisi.

Saltanatty keshte sóz sóılegen aýdan ákimi Baqyt Asanov 10 aıdyń qorytyndysymen aýyl sharýashylyǵy óniminiń kólemi 29 mıllıard teńgeden asqanyn atap ótti.


Óńir basshysy saladaǵy kez kelgen ónim túrinen ósim baıqalǵanyn tilge tıek etip, ol úshin jazdyń aptap ystyǵyna, qystyń yzǵarly sýyǵyna qaramaı eńbek etken sharýalar men dıqandar qaýymyna alǵysyn jetkizdi. Sonymen qatar, ár ónim boıynsha úzdik nátıje kórsetken ozattardy arnaıy dıplomymen jáne baǵaly syılyqtarmen marapattady.



«Ótken jyly aýa-raıynyń qolaısyzdyǵy men maqta zııankesteriniń kóp bolýyna qaramastan, aq altynnan 96 myń tonna ónim jınalǵan edi. Ortasha ónimdilik 25 tsentnerge áreń jetken bolatyn. Al, búginde aýdandaǵy maqta qabyldaý beketterine 100 myń tonnaǵa jýyq aq altyn jınalyp, byltyrǵydan qaraǵanda kórsetkish edáýir ósip otyr»,- dedi aýdan ákimi.

Aıta keteıik, Maqtaaral aýdanynda maýsym kezinde kún saıyn 200-300-ge tarta qaýyn-qarbyz tıelgen júk kólikteri TMD elderine, Prıbaltıka elderine, Túrkııa, Germanııa, Gretsııa elderine jol tartady. Bıyl maqtaaraldyq dıqandardyń tynymsyz eńbekteriniń arqasynda baqsha daqyldarynan 291 363 tonna ónim óndirilgen.

Aýdan dıqandary bıyl 46 132 tonna kókónis, 62 775 tonna mal azyqtyq daqyldardy, 234 tonna bıdaı, 667 tonna jemis-jıdek, 9 450 tonna kúrish, 299 tonna mash, 957 tonna júzim óndirip, onyń basym kópshiligin eksportqa shyǵarǵan.



Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT