+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

Maǵzum Myrzaǵalıev óńirlerde sý tasqyny bolatyn boljamdy merzimdi atady

2020 jylǵy 25 aqpan 10:54
Bólisińiz:
Maǵzum Myrzaǵalıev óńirlerde sý tasqyny bolatyn boljamdy merzimdi atady

NUR-SULTAN. QazAqparat – Ekologııa, geologııa jáne tabıǵı resýrstar mınıstri Maǵzum Myrzaǵalıev óńirlerde sý tasqyny bolýy múmkin boljamdy merzimdi atady, dep habarlaıdy QazAqparat tilshisi.

«Qalyptasqan gıdrometeorologııalyq jaǵdaı negizinde Soltústik jáne Shyǵys Qazaqstan, Qaraǵandy, Aqmola jáne Qostanaı oblystarynda kóktemgi sý mólsheri kóp bolady dep kútilýde. Temperatýra kóterilip, nóser jaýyn bolǵan jaǵdaıda aqpan aıynyń sońy men naýryz aıynda Qazaqstannyń ońtústiginde, ońtústik-shyǵysynda jáne batysynda qar jamylǵysynyń azdyǵyna qaramastan sý tasqyny bolýy múmkin. Qardyń jınalýy naýryz aıynda da jalǵasatynyn atap ótkim keledi», - dedi Maǵzum Myrzaǵalıev Úkimet otyrysynda.

Mınıstrdiń aıtýynsha Qazgıdromet naýryz aıynan bastap apta saıyn gıdrologııalyq boljamdardy usynyp otyrady. Oǵan deıin bul boljam aı saıyn ǵana jasalyp kelgen.

«Bul boljam 3 kún saıyn jańaryp otyrady. Odan bólek, sý tasqyny qaýpi tóngen jaǵdaıda 2-3 táýlik buryn daýyldy eskertý jarııalanady. Negizi osyndaı eskertýler norma boıynsha 6 saǵat buryn berilýi tıis. Búgingi tańda Qyzylorda oblysyndaǵy Syrdarııa ózeni jáne Almaty oblysy Іle ózeninde muzdyń álsireýi júrip jatyr. Ol óz kezeginde sýdyń jaıylma ýchaskelerge shyǵýyna ákep soqtyrýy múmkin. Shyǵys Qazaqstan, Túrkistan, Jambyl jáne Almaty oblystarynyń taýly ózenderinde qatty jaýyn-shashynnan sý tasqyny qalyptasýy múmkin», - dedi ol.

Onyń aıtýynsha, naýryz aıyndaǵy sınoptıkalyq boljamǵa sáıkes aýa temperatýrasy men jaýyn-shashyn mólsheri Qazaqstannyń basym aýmaǵynda klımattyq normadan joǵary bolady.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT