+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Maǵzum Myrzaǵalıev ekologııalyq quqyqbuzýshylyq úshin jazany ne úshin kúsheıtý kerektigin túsindirdi

2020 jylǵy 28 qazan 12:02
Bólisińiz:
Maǵzum Myrzaǵalıev ekologııalyq quqyqbuzýshylyq úshin jazany ne úshin kúsheıtý kerektigin túsindirdi

NUR-SULTAN. QazAqparat – Ekologııa, geologııa jáne tabıǵı resýrstar mınıstri Maǵzum Myrzaǵalıev QR Ákimshilik quqyq buzýshylyq týraly kodeksine ekologııa máseleleri boıynsha qandaı ózgerister men tolyqtyrýlar engizý kerektigin aıtty, dep habarlaıdy QazAqparat tilshisi.

Uqsas jańalyqtar
Almatyda dızel otynymen júretin atvobýstardy satyp alýǵa tyıym salynbaq Aqtóbede shoshqa fermasynyń jumysyna qatysty qylmystyq is qozǵaldy Memlekettik týdy úılerdiń qasbetine, balkondarǵa ilýge ruqsat berildi

Ákimshilik quqyq buzýshylyq týraly kodekske ózgerister men tolyqtyrýlar engizý týraly mınıstr Parlament Májilisinde tolyǵyraq aıtyp berdi.

«Negizi profılaktıkalyq tekserýler jylyna bir retten kóp ótkizilmeıdi. Sonyń saldarynan tekseris kezinde bir nemese odan kóp jyl buryn jasalǵan quqyqbuzýshylyqtary anyqtalǵan kásiporyndar tıisti jazadan qutylyp ketip jatady. Taǵy bir aıta keterligi, tájirıbe kórsetip otyrǵandaı, keıbir iri kásiporyndar júıeli túrde jyl saıyn bir quqyqbuzyshýlyqqa birneshe ret jol beredi. Osyǵan oraı zań jobasynda 3 jyldyń ishinde ekologııalyq zańnamany júıeli buzatyn iri kásiporyndarǵa qatysty neǵurlym qatań jaza qoldaný qarastyrylǵan», - dedi Maǵzum Myrzaǵalıev.

Mınıstrdiń aıtýynsha, negizi atalǵan norma qazir de bar, biraq eskirý merzimi bir jyl bolǵandyqtan retsıdıv ınstıtýty iske aspaı jatyr.

«Bul óz kezeginde iri kásiporyndy júıeli quqyqbuzýshylyqtar jasamaýǵa yntalandyrmaıdy. Osyǵan baılanysty merzim 3 jylǵa deıin uzartyldy. Qorshaǵan ortany qorǵaý salasyndaǵy ákimshilik quqyqbuzýshylyq úshin belgilenetin aıyppuldardy ulǵaıtýǵa basty sebepshi bolǵan jaıt - tabıǵat paıdalanýshylardyń qorshaǵan ortanyń lastanýyna jol bermeý boıynsha sharalardy tolyqqandy oryndamaýy jáne qajetti modernızatsııany júzege asyrmaýy. Negizi qazirgi ákimshilik aıyppuldar yntalandyrý tetigi bola almaı tur. Bir sózben aıtsaq, tabıǵat paıdalanýshylary úshin quqyqbuzýshylyq pen jibergen olqylyqtardy joıýdyń ornyna aıyppul tóleý áldeqaıda tıimdirek», - dedi ol.

Mınıstrlik sol sebepti ekologııalyq quqyqbuzýshylyqtar úshin sanktsııalardy qatańdatý kózdeýde. Mysaly qorshaǵan ortaǵa normatıvten tys jáne ruqsatsyz emıssııalar úshin ákimshilik sanktsııalardyń mólsheri 10 ese, al qalǵan quqyqbuzýshylyqtar boıynsha orta eseppen 2 ese ulǵaıady.

Aıta ketsek búgingi Parlament Májilisiniń otyrysynda Ekologııa, geologııa jáne tabıǵı resýrstar mınıstri Maǵzum Myrzaǵalıev Ekologııalyq kodeksiniń jobasyn qorǵaǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT