Mádenıet mınıstrligi Elbasy stıpendııasynyń ataýyn ózgertýdi usyndy
2022 jylǵy 4 shilde 09:50

Mádenıet mınıstrligi Elbasy stıpendııasynyń ataýyn ózgertýdi usyndy

NUR-SULTAN. QazAqparat – Ashyq NQA portalynda «QR Tuńǵysh Prezıdenti – Elbasynyń mádenıet salasyndaǵy memlekettik stıpendııasynyń» ataýyn ózgertý týraly Prezıdent Jarlyǵynyń jobasy jarııalandy, dep habarlaıdy QazAqparat tilshisi.

Qujat jobasyn ázirlegen organ – QR Mádenıet jáne sport mınıstrligi.

«Qazaqstan Respýblıkasy Prezıdentiniń 2000 jylǵy 3 sáýirdegi №369 Jarlyǵyna mynadaı ózgerister engizilsin: taqyryby «Mádenıet salasyndaǵy memlekettik stıpendııany taǵaıyndaý týraly» degen redaktsııada jazylsyn» delingen jarlyq jobasynda.

ıAǵnı, «QR Tuńǵysh Prezıdenti – Elbasynyń mádenıet salasyndaǵy memlekettik stıpendııasy» degen ataý «Mádenıet salasyndaǵy memlekettik stıpendııa» dep ózgertilip otyr.

Al stıpendııanyń mólsheri burynǵydaı 55 aılyq eseptik kórsetkish (174 900 teńge – red) kóleminde qalady.

Eske sala keteıik, Prezıdent Qasym-Jomart Toqaev Qazaqstan polıtsııasynyń 30 jyldyǵyna arnalǵan saltanatty jıynda Qazaqstannyń Tuńǵysh Prezıdentiniń saıası róli týraly paıymyn aıtqan bolatyn.


Foto: www.newsbytesapp.com
Sondaı-aq... oqyńyz

Jańalyqtar

Úrdis

MURAǴAT