+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

LRT-nyń qurylysy ýaqytsha toqtatyldy - Baqyt Sultanov

2019 jylǵy 16 sáýir 12:07
Bólisińiz:
 LRT-nyń qurylysy ýaqytsha toqtatyldy - Baqyt Sultanov

NUR-SULTAN. QazAqparat - Elordanyń ákimi Baqyt Sultanov negizgi kapıtalǵa salynǵan ınvestıtsııalardyń tómendeýine sebepshi faktorlardy atady, dep xabarlaıdy QazAqparat tilshisi.

«Iá, ınvestıtsııalardyń kólemi eki esege tómendep otyr. Bunyń negizgi sebebi - qurylys salasyndaǵy kórsetkishterdiń tómendeýi. Qurylys jumystary 43 protsentke, al turǵyn úılerdi tapsyrý 35 protsentke tómendep otyr. Sebebi byltyr iri jobalar aıaqtalǵan bolatyn. Onyń ishinde Halyqaralyq qarjy ortalyǵyn ornalastyrý úshin EKSPO pavılondaryn rekonstrýktsııalaýǵa jumsalǵan 20 mıllıard teńge bar. Bıyl ondaı iri jobalar joq», - dedi B.Sultanov Úkimettiń búgingi otyrysynda. Ákim onlaın rejımde esep berdi.

Onyń aıtýynsha, sońǵy eki jylda elordada 12 iri nysan paıdalanýǵa berilse, bıyl tek 4 iri joba ǵana qolǵa alynyp otyr.

«Biraq onyń ishinde LRT jelisiniń qurylysyn toqtata turýǵa baılanysty ol da óziniń áserin berip otyr. Qazirgi kezde biz Úkimet pen Ulttyq bankpen birge bul máseleni ishki kózderden qarjylandyrýdy pysyqtaýdamyz. Sonymen qatar, qalanyń ınvestıtsııalyq jobalaryn respýblıkalyq bıýdjetten qarjylandyrý kólemi 198 mıllıard teńgeden 115 mıllıard teńgege deıin tómendeýi de óz áserin berip otyr», - dep atap kórsetti B.Sultanov.

Aıta keteıik, Úkimettiń búgingi otyrysynda QR Premer-Mınıstri Asqar Mamın negizgi kapıtalǵa salynatyn ınvestıtsııalar boıynsha jumysty kúsheıtýdi tapsyrdy. Sebebi birqatar aımaqtarda atalǵan kórsetkishter tómendep otyr. Olardyń ishinde Aqmola oblysy men Nur-Sultan qalasy bar.

«Negizgi kórsetkishter boıynsha birinshi toqsanda Shyǵys Qazaqstan, Atyraý, Qostanaı, Pavlodar men Qyzylorda oblystary jaqsy nátıjege jetti. Sonymen qatar, Aqmola oblysynda jáne elordada qurylys pen ınvestıtsııalar boıynsha kórsetkishter tómendep ketken. Osy baǵyttaǵy jumystardyń nashar deńgeıde uıymdastyrylǵanyn atap ótemin», - dedi A.Mamın.

Aldaǵy ýaqytta Úkimet sheteldik ınvestıtsııalardy tartýdyń jańa tásilderin talqylaıdy.

Al «Samuryq-Qazyna» qorynyń basshysy Axmetjan Esimov shetelde qordyń aktıvterine toqtam salý máselesin kóterdi.

Bizdiń kanalymyzǵa jazylyńyz:

Basty sózder: Nur-Sultan, Qurylys, Kólik,
Bólisińiz:

Avtor:

Arman Asqarov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT