USD 435.1 EUR 493.27
RUB 5.69 CNY 68.63
Jańalyqtar

LRT qurylysyn aıaqtaýǵa qansha qarajat qarastyrylýda

2021 jylǵy 30 maýsym 14:05
Bólisińiz:
LRT qurylysyn aıaqtaýǵa qansha qarajat qarastyrylýda

NUR-SULTAN. QazAqparat – Nur-Sultan qalasynyń ákimi Altaı Kólginov LRT qurylysynyń qaıta bastalýy jóninde pikir bildirdi, dep habarlaıdy QazAqparat tilshisi.

Uqsas jańalyqtar
Prokýratýra LRT isindegi negizgi kúdiktilerdi tergeýge shaqyrtý týraly aqpar jarııalady

«Iá, qazir qurylys maýsymy júrip jatqandyqtan, LRT qurylysy qaıta jandandy. Sharttar burynǵydaı, jumystar soǵan sáıkes júrgizilýde. Belsendi jumys júrip jatyr dep aıta almaımyn. Belsendi jumys qarajattyń túsýine qaraı jalǵasady. Qazir konkýrstyq rásimder, bankterdi tańdaý júrip jatyr. Qarjylandyrý kózderin anyqtaǵan soń, jumystardy jandandyramyz», - dedi A. Kólginov Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, qurylys-montaj jumystaryn júrgizerden buryn tehnıkalyq saraptama ótip jatyr.

«Oǵan qosymsha qarajat tartylǵan joq, bul ishki rezervter. Burynǵy shart boıynsha jumys júrip jatyr. Qarjylandyrýdyń qosymsha kólemin tartqan kezde belsendi jumysty bastaımyz. Bastapqyda 2,6 mıllıard dollar bolǵan edi. Biz ony 800 mln dollarǵa tómendettik jáne únemdedik. Qazir jobany aıaqtaý úshin shamamen bir mlrd dollar qajet. Biz syrtqy qaryzdarǵa konkýrs jarııaladyq. Bankterdi anyqtaǵannan keıin qosymsha habarlaımyz. Eger ishki qarjy naryǵynda nıet bildirýshiler bolsa, olardy da qarastyramyz. Qarjylandyrý kózderin izdeý konkýrsy jazdyń sońyna deıin aıaqtalady», - dep atap ótti A.Kólginov.

Eske salsaq, Memleket basshysy Qasym-Jomart Toqaev Nur-Sultan qalasynyń ákimdiginde ótken májiliste LRT qurylysy isin tergeýdi jedeldetýdi tapsyrǵan bolatyn.

Іsti tergeý 2020 jyldyń basynda aıaqtaldy. Tergeý kezinde 10-nan astam adamnyń jaýapkershiligi tekserildi.

Sondaı-aq, 3 adamǵa Interpol jelisi arqyly izdeý jarııalanǵan.

Іs sotqa 2020 jyldyń 2 qazanynda joldandy.

Sybaılas jemqorlyqqa qarsy is-qımyl agenttigi 2-departamentiniń basshysy Sergeı Perov osy iske qatysty kúdikti dep tanylǵan Talǵat Ardan men Qanat Sultanbekovtiń qaıda júrgeni týraly aqparat bar ekenin málimdegen edi. LRT isi boıynsha 6 mlrd teńgege jýyq qarjyny talan-tarajǵa salǵandar 7-10 jylǵa sottaldy.




Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT