Jańalyqtar  >
  Qylmys
LRT isi sotqa joldandy
2022 jylǵy 13 tamyz 01:15

LRT isi sotqa joldandy

NUR-SULTAN. QazAqparat - Nur-Sultan qalasynyń prokýratýrasy elorda ákiminiń burynǵy orynbasary Qanat Sultanbekov pen «Astana LRT» JShS Basqarma tóraǵasy Talǵat Ardanǵa qatysty qylmystyq isti sotqa joldaǵan, dep habarlaıdy QazAqparat.

«Sultanbekov pen Ardan shetelde jasyrynyp júrýine baılanysty prokýratýra QPK-niń 304-babynyń 2-bóligine sáıkes olarǵa qatysty qylmystyq is sotqa joldandy», -delingen prokýratýranyń habarlamasynda.
Buǵan deıin belgili bolǵandaı, prokýratýranyń jedel tergeý toby Nur-Sultan qalasy ákiminiń burynǵy orynbasary Q.T. Sultanbekovke, «Astana LRT» JShS basqarma tóraǵasy bolǵan T.N. Ardanǵa jáne basqa da tulǵalarǵa qatysty «Astana qalasynyń jańa kólik júıesi» LRT, BRT/ITS jobasyn iske asyrýǵa bólingen bıýdjet qarajatyn jymqyrý faktisi boıynsha qylmystyq isti tergedi.
Jalpy elordadaǵy LRT problemasy Memleket basshysy Qasym-Jomart Toqaevtyń tikeleı baqylaýynda. Qańtar aıynda ótken Májilis otyrysynda Prezıdent LRT qurylysy sybaılas jemqorlyqtyń ıisi múńkip turǵan joba degen bolatyn.

«Kópshilikti, ásirese elorda turǵyndaryn ashýlandyratyn taǵy bir másele – LRT qurylysy bolyp otyr. Ol kádimgi ınfraqurylymdyq jobadan eldiń abyroı-bedeline nuqsan keltiretin kúrdeli problemaǵa aınaldy. Qazirdiń ózinde orasan zor qarajat jumsaldy, qaryzdar tartyldy, sheteldik áriptester aldynda aýqymdy kelisimsharttyq mindettemeler qabyldandy. Bul joba bastapqyda-aq úlken qatelik boldy, ony moıyndaý kerek. Sonymen qatar, bul sybaılas jemqorlyqtyń ıisi múńkip turǵan joba», - dedi Q. Toqaev.



Seriktester jańalyqtary

Jańalyqtar

Úrdis

MURAǴAT