+7 (701) 759 90 19
USD 375.91 EUR 416.85
RUB 6.10 CNY 54.77
Jańalyqtar

LRT isi: Elorda ákiminiń burynǵy orynbasaryna izdeý jarııalandy

2019 jylǵy 13 jeltoqsan 15:00
Bólisińiz:
LRT isi: Elorda ákiminiń burynǵy orynbasaryna izdeý jarııalandy

NUR-SULTAN. QazAqparat - LRT qylmystyq isi boıynsha tergeý aıaqtalýǵa jaqyn. Bul týraly Sybaılas jemqorlyqqa qarsy kúres qyzmetiniń ekinshi departament basshysy Sergeı Perov aıtty, dep habarlaıdy QazAqparat tilshisi.

Uqsas jańalyqtar
LRT isi: Nur-Sultan qalasy máslıhatynyń hatshysy qamaýǵa alyndy Saryaǵashta aýdandyq sottyń sýdıasy para aldy degen kúdikke ilindi Jambyl oblysynda sybaılas jemqorlyqqa beıim salalar anyqtaldy

Tergeý nátıjesine qaraǵanda, Nur-Sultan qalasy ákimdigi men Astana LRT-nyń laýazymdy tulǵalary jáne jeke kompanııalardyń dırektorlary mıllıardtaǵan qarjy urlaǵany anyqtaldy.

«Qylmystyq isti elorda ákiminiń burynǵy orynbasary Qanat Sultanbekov jáne Astana LRT basshysy T.Ardan sheteldik jáne qazaqstandyq kompanııalardyń kómegimen uıymdastyrǵan. Osy laýazymdaǵy tulǵalar ákimdik basqarmalarynyń burynǵy basshylary R.Amanjolov, J.Nurpeıisovtyń qatysýymen 24 mlrd teńgeden astam qarajat jymqyrylǵan. Ákiminiń burynǵy orynbasary Qanat Sultanbekovke izdeý jarııalandy», - deıdi Sergeı Perov elordada ótken brıfıngte.

Onyń aıtýynsha, bul qarjyǵa jobalyq-smetalyq qujattamany ázirleý, keńesshilik qyzmetterdi kórsetý jáne tehnıkalyq baqylaý shyǵyndary kirgen.

«Óz kezeginde merdigerlik uıymnyń dırektorlary qosalqy merdigerlik kompanııalarmen artyq baǵada jalǵan mámileler jasap, qarjyny jalǵan kásiporyndar arqyly qolma-qol aqshaǵa aınaldyrǵan. Nátıjesinde memleketke 5 mlrd teńgeden artyq sommaǵa shyǵyn keldi. Іs boıynsha ákimdiktiń 5 laýazymdy tulǵasy (basshylyq quramynan) jáne merdiger uıymdardyń 6 basshysy jaýapqa tartylýda. Olardyń ishinde 5 kúdikti kúzetke ustaýǵa alynǵan, 3 adam qamaýǵa alý bultartpaý sharasymen halyqaralyq izdeýge berilgen», - deıdi ol.

Tergeý barysynda 3 adam óz kinásin moıyndap, sáıkesinshe olarǵa qatysty qamaýǵa alý qoldanylmaǵan. Qylmysty isti tergeý osy aıdyń aıasyna deıin aıaqtalýy múmkin.

Eske salsaq, Prezıdent LRT qurylysyn jedeldetýdi jáne oǵan qatysty isti tergeýdi tapsyrdy.

Buǵan deıin LRT-nyń qurylysy ýaqytsha toqtatylǵany týraly habarlaǵan bolatynbyz.

Oǵan qatysty Úkimet basshysy Asqar Mamın pikir bildirdi.

Sonymen qatar jaqynda QR Sybaılas jemqorlyqqa qarsy is-qımyl agenttigi «Astana LRT» isi boıynsha birqatar jalǵan kásiporyn tergelip jatqanyn málim etti.

Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT