+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Londonda sarapshylar Prezıdent Joldaýyn talqylady

2019 jylǵy 13 qyrkúıek 18:07
Bólisińiz:
Londonda sarapshylar Prezıdent Joldaýyn talqylady

LONDON. QazAqparat – Ulybrıtanııada Qazaqstan Prezıdenti Qasym-Jomart Toqaevtyń Qazaqstan halqyna Joldaýy talqylandy. Qazaqstannyń Ulybrıtanııadaǵy elshisi Erlan Ydyrysov qatysqan brıfıngte, sondaı-aq Brıtan-Qazaq qoǵamynyń músheleri, British Council uıymynyń qyzmetkerleri, shyǵarmashylyq ıntellıgentsııa, túrli sala mamandary jáne brıtanııalyq BAQ ókilderi qatysyp, árqaısysy óz salalary boıynsha pikirlerin ortaǵa saldy, dep habarlaıdy QazAqparat tilshisi.

Brıfıngte Qazaqstannyń Ulybrıtanııadaǵy elshisi Erlan Ydyrysov akademııalyq jáne bıznes ortaǵa Joldaýdyń basym baǵyttary týraly aıtyp berdi. Ol óz sózinde «Halyq únine qulaq asatyn memleket» tujyrymdamasy jasalǵandyǵyn jáne ol qoǵamnyń barlyq mańyzdy máseleleri boıynsha jedel áreket etýge baǵyttalǵanyn atap ótti.

«Qazirgi geosaıası jaǵdaıǵa negizdelgen úılesimdi memleket qurý úshin bılik pen qoǵam arasynda turaqty dıalog ornata bilý kerek. Bul maqsatta Ulttyq qoǵamdyq senim keńesi qurylyp, ol belgili qoǵam ókilderiniń basyn biriktirdi», - dedi dıplomat.

«Vestmınster demokratııa úshin» qorynyń ókili Magdalena Randall-Shab azamattardyń qoǵamnyń ómirlik mańyzy bar máselelerine tartylýy óte durys sheshim dep baǵalady. «Bul shynymen de tyń bastama jáne basqa da memleketterge úlgi bolýy múmkin», - dedi ol.

Al London ekonomıka jáne saıası ǵylymdar mektebiniń professory Krıs Alden Joldaýdaǵy bıýdjetaralyq qatynastar júıesin reformalaý úderisin jaqsy baǵalady. Onyń paıymynsha, jergilikti bıýdjetti qalyptastyrýǵa halyq belsene aralasqan jaǵdaıda óńirler damıdy. «Buǵan Ulybrıtanııanyń ozyq tájirıbesi úlgi bolarlyq», - dedi ol.

Munaı salasy boıynsha sarapshy Djeffrı Templ Joldaýda aıtylǵan ekonomıkalyq reformalar bólimine aıryqsha toqtaldy. Sarapshy atap ótkendeı, ekonomıkany ártaraptandyrýdy jalǵastyryp, shıkizatqa táýeldilikten bas tarta túsý arqyly 2025 jylǵa qaraı ishki jalpy ónimniń jyl saıynǵy turaqty ósimin 5 paıyzǵa jáne odan da joǵary deńgeıge jetkizýge Qazaqstannyń tolyq múmkindigi bar. «Sheteldik sarapshylardyń oı-usynystary muqııat saralaný kerektigi týraly usynys ta ekonomıka damýyna tyń serpin beredi», - dedi ol.


Bizdiń kanalymyzǵa jazylyńyz:

Bólisińiz:

Avtor:

Ǵalymjan Qaramanuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT