+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Londonda Qazaqstannyń Táýelsizdik kúni toılandy

2019 jylǵy 18 jeltoqsan 10:22
Bólisińiz:
Londonda Qazaqstannyń Táýelsizdik kúni toılandy

LONDON. QazAqparat - Londonda Qazaqstannyń táýelsizdik kúni erekshe saltanatpen toılanyp, Erjan Maksım brıtanııalyq jurtshylyq aldynda óner kórsetti. «Junior Eurovision» baıqaýynyń laýreaty óziniń hıt ánderin oryndap, saltanatty jıynǵa kelgen qaýymnyń zor qoshemetine ıe boldy, dep habarlaıdy QazAqparat tilshisi.

Táýelsizdik toıyna qatysýǵa nıet bildirgenderdiń sanynda shek bolmady. Barlyǵy da Qazaqstandy ulttyq merekesimen quttyqtap, jas talant Erjan Maksımniń ónerin tamashalaýǵa asyqty. Dástúr boıynsha Qazaqstannyń Ulybrıtanııadaǵy elshisi Erlan Ydyrysov jubaıymen birge kelýshilerdi jeke qarsy aldy. Brıtanııalyqtar Qazaqstan táýelsizdiginiń 28-shi jyly eki el úshin óte jemisti bolǵandyǵyn aıtady.

Ulybrıtanııanyń Qazaqstandaǵy elshisi Maıkl Gıffordyń sózine qaraǵanda, qos memleket qarym-qatynasy óte mańyzdy.

«Bul Ortalyq Azııadaǵy eń eleýli naryq. Osy jyly biz Qazaqstanǵa shamamen 2,3 mıllıard sterlıng fýntyn eksporttadyq. Jáne biz Qazaqstandaǵy kólemi jaǵynan eń iri altynshy ınvestormyz. Biraq tek saýda-ekonomıkalyq áriptestik qana emes, mádenı almasý jáne adamı qarym-qatynas ta mańyzdy. Búgingi Ulttyq mereke sonyń aıqyn aıǵaǵy», dedi elshi myrza.

Bul kúni Erjan Maksımniń óneri brıtanııalyqtar úshin naǵyz mádenı jańalyq boldy. Balalar jáne eresekter Eýrovıjni Ulybrıtanııada asa tanymal baıqaý emes. Biraq qonaqtar ánshi jaıly habardar bolyp shyqty. Ásem daýysy men bekzat bolmysy bar jas daryn kópshilikti tańdaı qaqtyrdy.

Múmkindikti paıdalana otyryp, Erjan Maksım de otandastaryn merekemen quttyqtap:

«Qurmetti qazaqstandyqtar! Sizderdi kelip jetken búgingi táýelsizdik merekesimen shyn júrekten quttyqtaımyz. Árqashan aman bolyńyzdar. Árqashan kúlip-oınap júre berińizder. Elimiz aman, jurtymyz tynysh bolsyn» dedi.

Mádenı baǵdarlamany qazaqtyń ulttyq taǵamdary tolyqtyrdy. Qonaqtarǵa sondaı-aq sarqyt ta berildi. Olar úılerine Almaty aportynan ala ketti.

Bizdiń kanalymyzǵa jazylyńyz:

Bólisińiz:

Avtor:

Ǵalymjan Qaramanuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT