+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Lıvandaǵy qazaqstandyq bitimgerler Beırýttaǵy jarylystan zardap shekken joq

2020 jylǵy 5 tamyz 10:45
Bólisińiz:
Lıvandaǵy qazaqstandyq bitimgerler Beırýttaǵy jarylystan zardap shekken joq

NUR-SULTAN. QazAqparat - Lıvandaǵy qazaqstandyq bitimgerler Beırýttaǵy jarylystan zardap shekken joq. Bul týraly QR Qorǵanys mınıstrliginiń baspasóz qyzmetinen málim etti, dep habarlaıdy QazAqparat tilshisi.

Uqsas jańalyqtar

«Lıvanda BUU mıssııasynyń quramynda qyzmet etip jatqan qazaqstandyq bitimgerler Beırýtta bolǵan jarylys saldarynan zardap shekken joq. Qazaqstandyq bólimshe tótenshe jaǵdaı bolǵan jerden shalǵaıda ornalasqan. Qazirgi ýaqytta qazaqstandyq áskerı qyzmetshilerdiń tótenshe jaǵdaı saldaryn joıýǵa jumyldyrylýy josparlanyp otyrǵan joq», - dedi QR Qorǵanys mınıstrliginiń baspasóz qyzmeti.

QR Qorǵanys mınıstrligi Aqparat jáne kommýnıkatsııa departamentiniń bastyǵy polkovnık Áset Aqqozınov te qazaqstandyq bitimgerlerdiń jarylys saldaryn joıýǵa qatyspaıtyndyǵyn aıtty.

«Alańdaýshylyq tanytyp, saýal joldap jatqandaryńyz úshin rızashylyq bildiremiz. Bizdiń bólimshe oqıǵa bolǵan jerden shalǵaıda ornalasqan. Olarda bári jaqsy jáne jarylys saldaryn joıýǵa qatysýy josparlanbaǵan», - dedi ol.

Qazaqstannyń Lıvandaǵy bitimgershilik mıssııasy 2018 jyldyń qazan aıynda BUU-nyń mandatyna sáıkes Lıvanda qazaqstandyq jáne úndi bitimgerlerin birlesip óristetý týraly memorandýmǵa qol qoıylǵannan keıin bastaǵan bolatyn.

Osy aıdyń basynda ǵana Qazaqstan Lıvanǵa tórtinshi bitimgerler tobyn jibergen edi.

Eske sala keteıik, 4 tamyzda Lıvannyń áskerı-teńiz kúshteri (ÁTK) bazasyna jaqyn Beırýt porty aýdanynda joıqyn jarylys boldy.

Jarylys saldarynan Qazaqstannyń SІM Lıvandaǵy Qazaqstannyń dıplomatııalyq mıssııasy ǵımaratyna zııan kelgen.

Jarylys kezinde dıplomatııalyq mıssııanyń qyzmetkerleri jumys kúni aıaqtalǵannan keıin jumys ornynan ketip qalǵan.

Konsýl jumysta qalǵan bolatyn, ol jarylys tolqyny saldarynan jeńil jaraqat aldy.

Buǵan deıin habarlaǵandaı, 5 tamyz kúni Beırýt ýaqytymen saǵat 00:30-da Lıvannyń Densaýlyq saqtaý mınıstri Muhammed Hasan jarylystan qaza tapqandar sany 70-ke jetkenin, 4 myńǵa jýyq turǵyn jaraqat alǵanyn málimdedi.

Álem elderiniń, halyqaralyq uıymdardyń basshylary men premer-mınıstrleri 4 tamyzda Lıvannyń áskerı-teńiz kúshteri (ÁTK) bazasyna jaqyn Beırýt porty aýdanynda bolǵan jarylysqa baılanysty Lıvan halqyna kóńil aıtyp, shuǵyl kómek kórsetýge daıyn ekenin bildirdi.

5 tamyz kúni jarylystyń sebebi anyqtaldy. Bılik málimdemesine sáıkes, ammonıı nıtratynyń úlken partııasy (ammıak selıtrasy dep te atalady) portta uzaq ýaqyt turǵan, qaýipsizdik talaptary saqtalmaǵan.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT