+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Lıvanda narazylyqtardan keıin WhatsApp-qa salyq salynbaıtyn boldy

2019 jylǵy 18 qazan 11:15
Bólisińiz:
Lıvanda narazylyqtardan keıin WhatsApp-qa salyq salynbaıtyn boldy

BEIRÝT. QazAqparat – Ótken túni Lıvanda úkimettiń WhatsApp messendjeriniń kómegimen ınternet arqyly jasalatyn qońyraýlarǵa salyq salý josparyna baılanysty narazylyq bastaldy, dep habarlaıdy QazAqparat Arab News-ke silteme jasap.

Uqsas jańalyqtar
Óskemende páterdegi gaz qoparylysynan bir adam zardap shekti Túrkistan oblysynda 12 jastaǵy jasóspirim sýǵa batyp ketti Atyraýda Saǵyz ózenine 2 adam batyp ketti

Elektr baılanysy mınıstri Muhammed Shýker premer-mınıstr Saad Harırıdiń ótinishi boıynsha jospardyń joıylǵanyn málimdegennen keıin de, myńdaǵan adamdar narazylyq aktsııalaryn toqtatqan joq.

Narazylyq bildirýshilerdiń keıbireýleri WhatsApp jelisine salyq salý josparynan bas tartý jetkiliksiz ekenin málim etti. Sebebi ekonomıkalyq turǵydan álsiz memlekettiń adamdaryna salynatyn basqa da salyq túrleri bar.

«Úkimet otstavkaǵa ketýi kerek, sebebi eshkim halyqtyń ómir súrý jaǵdaıyna jaýapkershilik alǵysy kelmeıdi. Kún saıyn adamdar kóz jumýda, alaıda ony elep jatqan eshkim joq. Jumys joq, áleýmettik qamsyzdandyrý da joq, densaýlyǵymyzǵa eshkim kepil bere almaıdy. Munda barlyǵy ártúrli toptan shyqqan», - dedi narazylyq bildirýshilerdiń biri.

Narazylyq bildirýshilerdiń ashý-yzasyna mınıstrler kabınetiniń sársenbide 2020 jylǵy bıýdjetti talqylaýǵa arnalǵan otyrysy sebep boldy. Jıyn barysynda bir depýtat WhatsApp messendjer qosymshasy arqyly jasalatyn qońyraýlarǵa kúnine 20 tsentten salyq engizýdi usyndy. Alaıda bul usynys ásirese jastar men tabysy az adamdardyń yzasyn keltirdi. Kópshilik mundaı áreket tek qosymsha salyqty engizip qana qoımaı, qońyraýlar men habarlamalardy baqylaýǵa, sóz bostandyǵyn shekteýge de qatysty dep alańdady.

El arasynda azamattyq belsendiler áleýmettik jeliler arqyly mıtıngilerge shaqyra bastaǵan soń narazylyq týa bastady. Keshki 8-ge qaraı birneshe ondaǵan adamdar Beırýttiń kóshelerine shyqty. Biraz ýaqyttan soń olarǵa basqalary da qosylyp, olardyń sany júzdegen, odan keıin myńdaǵan adamdarǵa jetti. Áýejaıǵa aparar basty jolynda avtomobıldik shınalardyń órtenip jatýyna baılanysty kólik qozǵalysy toqtatyldy.

«Biz kedeı adamdarmyz. WhatsApp-ta tegin qońyraý shala alatynbyz. Endi nege olar bizdiń ınternet pen qońyraýlar úshin eki ret aqsha tólegenimizdi qalaıdy?», - dedi narazylyq bildirýshilerdiń biri.

Mundaı salyq engizýdi usynǵan depýtat mınıstrler kabınetiniń otyrysy kezinde Hezbolla ókilderi de, basqalar da bul ıdeıaǵa qarsy bolmaǵanyn aıta ketti.

Avtor:

Raýshan Qońyrbaeva

Bizdiń kanalymyzǵa jazylyńyz:

#Oqıǵa   #Álem  
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT