+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Lıtvada akademııalyq qaýymdastyq kóshbasshylarynyń halyqaralyq sammıti ótýde

2019 jylǵy 14 qazan 19:40
Bólisińiz:
Lıtvada akademııalyq qaýymdastyq kóshbasshylarynyń halyqaralyq sammıti ótýde

NUR-SULTAN. QazAqparat - Kaýnas qalasynda akademııalyq qaýymdastyq kóshbasshylarynyń halyqaralyq sammıti ótýde, dep habarlaıdy Gýmılev atyndaǵy EUÝ baspasóz qyzmeti.

«QS in conversation. Halyqaralyq yntymaqtastyq arqyly tanymaldylyqty arttyrý: utqyrlyq, taný, brendıng» atty ssammıtti L.N.Gýmılev atyndaǵy Eýrazııa ulttyq ýnıversıteti men Vıtaýtas Magnýs (Lıtva, Kaýnas q.) ýnıversıteti jáne QS Quacquarelli Symonds halyqaralyq kompanııasy birlesip uıymdastyryp otyr.


Sammıtke Qazaqstan, Reseı, AQSh, Lıtva, Latvııa, Ulybrıtanııa, Japonııa, Koreıa, Túrkııa, Ázerbaıjan, Estonııa, Efıopııa, Polsha, Ýkraına, Ózbekstan sııaqty elderdiń ókilderi qatysýda. Sammıtte joǵary bilim salasyndaǵy jahandyq mindetter, álemdik qaýymdastyqty nyǵaıtýdaǵy ýnıversıtetterdiń rólin anyqtaý, halyqaralyq joǵary bilim berý júıesindegi trendter jan-jaqty talqylandy.


Halyqaralyq jıyn barysynda Quacquarelli Symonds brıtandyq konsaltıng kompanııasynyń óńirlik dırektory Zoıa Zaıtseva, brıtandyq «The Guardian» gazetiniń redaktory Reıchel Holl, belgili jýrnalıst Stıven Hoar, Eýrazııa ulttyq ýnıversıtetiniń rektory Erlan Sydyqov, Vıtaýtas Magnýs ýnıversıtetiniń rektory ıÝozas Aýgýtıs, Skolkov ǵylym jáne tehnologııalar ınstıtýtynyń fakýltet dekany Klement Fortın jáne basqalar sóz alyp, óz oı-pikirlerimen bólisti.


Sammıt sońynda «QS EECA University Rankings 2019 - Damýshy Eýropa men Ortalyq Azııa ýnıversıtetteriniń QS 2019» reıtıngisiniń nátıjeleri jarııalanady dep kútilýde.

Sondaı-aq osy shara aıasynda EUÝ rektory Erlan Sydyqovtyń tóraǵalyq etýimen Qazaqstannyń joǵary oqý oryndary rektorlary keńesiniń otyrysy ótip, onda Lıtva ýnıversıtetterimen yntymaqtastyq máseleleri de pysyqtalmaq.



Bizdiń kanalymyzǵa jazylyńyz:

Basty sózder: Eýropa, Bilim, Ǵylym, JOO-lar,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT