+7 (701) 759 90 19
USD 432.01 EUR 518.67
RUB 5.61 CNY 66.48
Jańalyqtar

Lıtvada «Abaı joly» romany lıtva tilinde qaıta basylyp shyqty

2020 jylǵy 15 jeltoqsan 09:56
Bólisińiz:
Lıtvada «Abaı joly» romany lıtva tilinde qaıta basylyp shyqty

VILЬNıÝS. QazAqparat - Muhtar Áýezovtiń lıtva tilinde qaıta basylyp shyqqan «Abaı joly» roman-epopeıasynyń jáne Ánýar Álimjanovtyń «Ustazdyń oralýy» povesiniń tusaýkeseri ótti, dep habarlaıdy QazAqparat QR SІM baspasóz qyzmetine silteme jasap.

Beınekonferentsııa formatynda ótken tusaýkeserge Abaı atyndaǵy Shyǵys Qazaqstan oblystyq ámbebap kitaphanasy men ál-Farabı atyndaǵy QazUÝ-dyń baspa úıiniń basshylyǵy, A. Mıtskevıch atyndaǵy Vılnıýs oblystyq qoǵamdyq kitaphanasynyń jáne E. Sımonaıtıte atyndaǵy Klaıpeda oblystyq qoǵamdyq kitaphanasynyń dırektorlary, Lıtva qaýymdar úıi jáne Lıtva jýrnalıster odaǵynyń tóraǵalary, Lıtvanyń iri joǵary oqý oryndarynyń, qazaq dıasporasynyń, sondaı-aq Lıtvanyń BAQ ókilderi qatysty.

Tusaýkeserdi ashqan Qazaqstan Elshisi Vıktor Temirbaev atalǵan eki shyǵarmany Qazaqstan Ulttyq Akademııalyq kitaphanasy elimizde jalpyǵa ortaq oqýǵa arnalǵan jyldyń bas kitaptary retinde tanylǵanyn baıandap ótti. Osyǵan oraı, lıtvalyq oqyrmandar Abaıdyń biregeı álemin jáne «Ekinshi ustaz» Ábý Nasyr ál-Farabıdiń murasymen ana tilinde tanysa alady.


Іs-sharaǵa qatysýshylar qazaqstandyq kórkem ádebıettiń eki jaýhary lıtvalyq oqyrmandardyń qazaq halqynyń mádenıeti men tarıhy, onyń jany men taǵdyry týraly túsinigin keńeıtýge yqpal etetinine senim bildirdi.

A. Mıtskevıch atyndaǵy Vılnıýs oblystyq qoǵamdyq kitaphanasynyń dırektory Emılııa Banıonıte «Abaı joly» romanynyń Lıtva tilindegi jańa basylymy bıyl kúzde atalǵan kitaphanada ashylǵan Abaı atyndaǵy oqý zalynyń injý-marjany bolatynyn atap ótti.

«Abaı joly» romanynyń qaıta basylyp shyǵý tarıhyn eske ala otyryp, lıtvalyq baspager Aıdas Jandarıs qazaqstandyq sýretshi Evgenıı Sıdorkın áýletine 1960 jyly romannyń alǵashqy basylymyna arnaıy jasalǵan túpnusqa ıllıýstratsııasyn kitapta qoldanýǵa múmkindik bergeni úshin alǵys aıtty.


Eki kitap Lıtvanyń barlyq oblystyq jáne basqa da iri kitaphanalaryna syıǵa beriledi, olardyń birqatarynda qazirdiń ózinde qazaq ádebıetiniń buryshy qalyptasqan.

Sonymen qatar, 2021 jyly qazaq klassıkteri eńbekteriniń kezekti tusaýkeseri óńirdegi eń iri, jyl saıynǵy «Vilnius Book Fair» kitap kórmesinde josparlanǵan.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT