+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Lında Orledı «Bek Air» ushaǵy týraly: Mundaı ushaqqa otyrmas em

2020 jylǵy 24 qańtar 19:50
Bólisińiz:
Lında Orledı «Bek Air» ushaǵy týraly: Mundaı ushaqqa otyrmas em

NUR-SULTAN. QazAqparat - «Qazaqstannyń avıatsııalyq ákimshiligi» AQ-nyń ushý qaýipsizdigi boıynsha bastyǵy Lında Orledı Almaty mańynda apatqa ushyraǵan ushaqtyń kemshilikterin aıtty, dep habarlaıdy QazAqparat tilshisi.

Uqsas jańalyqtar
Elordaǵa jasyl dáliz arqyly júk kólikteri qalaı ótedi Semeıde qoǵamdyq kólikter jańa kestemen júredi Oralda blokpostty aınalyp, qashqan júrgizýshi ustaldy

«Batys ınspektorlary júrgizgen tekserý jumystary týraly aqparat alýdyń múmkindigi týyp, bıyl 20 qańtarda buqaralyq aqparat quraldarynda «Bek Air» áýe kompanııasynyń jumysyndaǵy kemshilikter anyqtalǵany týraly baspasóz habarlamasy jarııalanǵan bolatyn.

Bul málimet jarııalanǵan kezde fotosýret túrindegi aqparat bolmaǵan edi. Búgin sizderge apatqa ushyraǵan ushaqta qandaı kemshilikter bolǵanyn sýret túrinde kórsetemiz», - deıdi Lında Orledı «Bek Air» áýe kompanııasynyń qyzmetin tekserý barysynda anyqtalǵan kemshilikterge qatysty suraqtar boıynsha ótken brıfıngte.

Ushaqtyń radar ornalasqan aldyńǵy bóligine kóp zaqym kelgen.


• Eki qozǵaltqyshtyń da sáıkestendirý kestesi joq.

• Jalǵanatyn qubyr týraly (paıdalanýǵa jaramdylyǵy týraly) belgi qoıylmaǵan, elektr symdary týraly málimetter jazylmaǵan jáne beti jabylmaǵan.


Jolaýshylardy tasymaldaıtyn ushaqtardy paıdalaný kezinde qozǵalqyshtarynda sáıkestendiretin keste joq.

Eki qozǵaltqyshtan da maı aqqan jáne fıýzelıajda maıdyń izderi bar.

Qozǵaltqyshtardan maı ǵyp tur. Maı aǵý normasy boıynsha qujaty joq.

Pılottar kabınasyndaǵy sol jaqta ornalasqan qozǵalmaly áınek qatparlanyp ketken.

Júk bóligindegi paneldik qosylystarda órtten qorǵaıtyn taspalar joq jáne jaǵdaıy nashar kúıde.

Dóńgelekteri jelinip ketken.

Fıýzelıajdyń orta tusynyń tómengi jaǵynan janarmaı aqqan.

Fıýzelıajdyń orta tusynyń tómengi jaǵynan janarmaı aqqan.

Ushaqtyń jolaýshylar otyratyn salonynyń tóbesinen maı aǵyp tur.

Borttaǵy júk salý bóliginiń eden taqtalarynda tesikter bar

Eden jabyndysynyń shet jaqtary durys jabylmaǵan.

Sondaı-aq, Lında Orledı ushaqtyń keskindemesi men borttaǵy qujattar sáıkes kelmeıtinin aıtty.

«Mysaly, qujat boıynsha jolserik otyratyn jerde 1 kreslo dep kórsetilse, is júzinde 2 kreslo bar. Pılot ushaqtyń jaǵdaıy qalaı ekenin qolymen ustap kórip, talapqa saı bolǵansha ushpaıtynyn aıtýyna da bolar edi. Tekserip kórý úshin arnaıy kóteriletin qurylǵy bolady, saýalnama júrgizgen kezimizde pılottar ondaı qurylǵynyń bar ekenin bilmeıtinin anyqtadyq. Óz basym mundaı ushaqqa eshqashan otyrmas edim», - deıdi ol.

Sonymen qatar, «Qazaqstannyń avıatsııalyq ákimshiligi» AQ bas dırektory Pıter Grıffıtst qazirgi ýaqytta kompanııaǵa qatysty eki tekserý júrgizilýde ekenin aıtty.

Aktsıonerlik qoǵam júrgizip jatqan tekserý jumystary 26 qańtar kúni aıaqtalady. Ekinshi tekserý jumystaryn Qazaqstannyń kólik prokýratýrasy júzege asyrady.

Almaty áýejaıy mańyna qulaǵan «Bek Air» ushaǵyna qatysty málimetterdi myna jerden bilýge bolady.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT