+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Lıma Dıas ÚEU jumysy jaıynda: Qoǵam talqylaýyna syndarly pikirlerdi engizý kerek

2021 jylǵy 27 aqpan 16:52
Bólisińiz:
Lıma Dıas ÚEU jumysy jaıynda: Qoǵam talqylaýyna syndarly pikirlerdi engizý kerek

NUR-SULTAN. QazAqparat – Azamattyq bastamalardy qoldaý ortalyǵynyń Basqarma tóraǵasy Lıma Dıas elordada Aqparat jáne qoǵamdyq damý mınıstriniń úkimettik emes uıym ókilderimen kezdesýiniń qorytyndysyn aıtyp berdi, dep habarlaıdy QazAqparat tilshisi.

«ÚEU men azamattyq sektordy naqty taqyryptar boıynsha shekteý múmkin emes. Azamattyq belsendiler men qoǵamdyq ÚEU-lar memlekettiń barlyq qyzmet salalaryna tartylǵan. Búgin Aqparat jáne qoǵamdyq damý mınıstri men úkimettik emes uıym ókilderimen, sarapshylarmen kezdesýi ótti. Bul rette túrli sıpattaǵy máseleler talqylandy. Birinshi kezekte úkimettik emes sektordy qoldaý, sondaı-aq áleýmettik-ekonomıkalyq ahýaldy jaqsartý baǵytynda azamattyq belsendiler, memlekettik organdar yntymaqtasa jumys isteıtin qadamdar qamtyldy», - dedi Lıma Dıas.

Onyń sózine qaraǵanda, búgingi kezdesýdiń eń basty tezısi úkimettik emes uıymdardyń, sarapshylardyń pikirlerin qamtyp, usynystar jasaýǵa qatysty boldy. Bul turǵyda qoǵamda keńinen talqylaýǵa syndarly pikirdi ári ustanymdy shyǵarýǵa ekpin qoıylyp otyr.

«Ýaqyt alǵa jyljyp keledi, ınternet jumystyń ári kommýnıkatsııanyń qadamdaryn ózgertip jatyr. Memlekettiń úkimettik emes uıymdarmen ózara is-qımyldy júrgizetin tetikteri de sáıkesinshe ózgeriske ushyraýy kerek. Qazirgi kezde zańnamaǵa tıisti ózgerister engizilip otyr jáne jańa usynystar pysyqtalyp jatyr», - dedi Azamattyq bastamalardy qoldaý ortalyǵynyń basshysy.

Aıta keteıik, búgin Aqparat jáne qoǵamdyq damý mınıstri Aıda Balaeva úkimettik emes uıym ókilderimen kezdesti. Іs-shara jyl saıyn 27 aqpanda atap ótiletin Dúnıejúzilik úkimettik emes uıymdar kúni aıasynda ótti.

Kezdesýden keıin áleýmettik kásipker Emın Askerov sońǵy jyldary Qazaqstanda áleýmettik kásipkerlik oń qarqynda damyp kele jatqanyn aıtty.

QR Parlamenti Májilisiniń depýtaty Erlan Saırov jahandaný protsesteri aldymyzǵa kóptegen talaptardy qoıyp otyrǵanyn atap ótti.



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT