+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Levıttiń jeńilýine tóreshi kináli, Júsipov, Nurdáýletov jaýapkershilikti kótere almady – Ermahan Ybyraıymov

2021 jylǵy 29 shilde 17:13
Bólisińiz:
Levıttiń jeńilýine tóreshi kináli, Júsipov, Nurdáýletov jaýapkershilikti kótere almady – Ermahan Ybyraıymov

NUR-SULTAN. QazAqparat – «Almaty» olımpıadalyq daıarlaý ortalyǵy dırektorynyń orynbasary, AIBA Halyqaralyq federatsııasy komıssııasynyń múshesi Ermahan Ybyraıymov Tokıo Olımpıadasyn jeńilgen boksshylarymyzdyń oıynyna taldaý jasady, dep habarlaıdy QazAqparat tilshisi.

Uqsas jańalyqtar
Bokstan áıelder quramasynyń aınalasyndaǵy daý boıynsha arnaıy komıssııa quryldy Aıdos Erbosynuly nokaýtpen jeńgennen keıin IBF reıtınginde úzdik bestikke endi Aıdos Erbosynuly eń mańyzdy jekpe-jeginen keıin álemdik reıtıngide kóterildi

«Olımpıada oıyndaryndaǵy sportshylarǵa aldańy ýaqytta tek qana jeńis tileı otyryp, 91 kelidegi Vasılıı Levıttiń oıynyna toqtala keteıin. Vasılıı Levıt ekinshi raýdta ıspandyq sportshynyń soqqysynan qatty nokdaýn aldy. Bul oıyndy óte jaqsy baqylap otyrdym. Rıngtegi tóreshi birinshi soqqydan keıin-aq oıyndy birden toqtatyp, nokdaýn sanaý kerek edi. Rıngtegi tóreshi momentti jiberip aldy jáne qarsylasyna taǵy soqqy jasaýyna múmkindik berdi. Bul jerde birinshi kezekte rıngtegi tóreshini kinálar edim», - dedi Olımpıada chempıony Ortalyq kommýnıkatsııalar qyzmetinde brıfıngte.

Sonymen birge, spıker Levıttiń qarsylasy Emmanýel Reıes Planyń Ispanııanyń emes, Kýbanyń boksshysy ekenin eske saldy.

«Ol Ispanııanyń azamattyǵyn qabyldap, sol eldiń atynan shyǵyp jatyr. Sondyqtan bul osal emes, óte myqty boksshy. Jáne Vasılıı Levıtti esh kinálaýǵa bolmaıdy, ol bar kúshin saldy. Endi V. Levıtke aıtarymyz, esh eńsesin túsirmeı, kelesi jarystarǵa jaqsylap daıyndalýy kerek», - deıdi Ermahan Ybyraıymov.

Ermahan Ybyraıymov 69 keli salmaq dárejesinde synǵa túsken Abylaıhan Júsipovke tym kóp jaýapkershilik artyldy dep esepteıdi.

«Abylaıhan Júsipov pandemııa kezinde bir jyl boıy Olımpıada oıyndaryn kútti. Bul psıhologııalyq turǵyda óte aýyr. Sodan keıin 69 keli salmaq qazaqtardyń salmaǵy bolyp sanaldy. Odan «altyn» alý paryz sııaqty kórinetin. Qansha degenimen jas boksshy osyndaı úlken jaýapkershilikti kótere almady, oıynda óte sylbyr oınady, sozǵan qolymen soqqy jasamady, qashyqty sezinbedi. Tek tóbelese berdi, aıaq jaǵynda amerıkalyq boksshydan jeńilip qaldy. Eń basty sebep – úlken jaýapkershilikti kótere almaǵany», - dep baǵalady E. Ermahan Ybyraıymov.

81 kelige deıingi salmaqta Bekzat Nurdáýletov te alǵashqy jekpe-jeginde reseılik Imam Hataevtan jeńildi.

«Bekzat Nurdáýletov sozǵan aldyńǵy qolymen múldem oınamady. Ózderińiz kórdińizder, reseılik qarsylasynyń boıy áldeqaıda qysqa, ony alstan-aq uryp tastaýǵa bolar edi. Ony Sankt-Peterbýrg qalasyndaǵy jarysta óz elinde jeńgen edi. Bul jerde taǵy aıtarym, Olımpıadada psıhologııalyq turǵyda óz-ózin ustaı almady, sóıtip jeńildi. Óte ókinishti. Biraq Qazaqstannan áli tórt bokshysy shyǵady. Sondyqtan, qalǵan boksshyǵa senim artamyz jáne áli de Qazaqstan boksshylary altyn-kúmis ákeledi degen senimimiz mol», - dedi Ermahan Ybyraıymov.


Bizdiń kanalymyzǵa jazylyńyz:

#Sport   #Olımpıada   #Boks  
Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT