Lázzat Súleımen: Almaty tragedııasyn tergeý múmkindiginshe ashyq jáne obektıvti júrgizilýi tıis
2022 jylǵy 20 qańtar 11:55

Lázzat Súleımen: Almaty tragedııasyn tergeý múmkindiginshe ashyq jáne obektıvti júrgizilýi tıis

NUR-SULTAN. QazAqparat – Almaty tragedııasyn tergeý múmkindiginshe ashyq jáne obektıvti túrde júrgizilýi kerek. Bul jaıynda búgin Senattyń jalpy otyrysynda QR Úkimet basshysyna saýal joldaǵan depýtat Lázzat Súleımen aıtty, dep habarlaıdy QazAqparat tilshisi.

Onyń atap ótýinshe, 2022 jylǵy qańtardaǵy jappaı tártipsizdikter kezinde bolǵan ár fakt jiti zerttelip, tekserilýi, quqyq qorǵaý organdaryna jetkizilgen jáne ustalǵan adamdardyń qorǵalýǵa jáne bilikti zań kómegin alýǵa konstıtýtsııalyq quqyǵy qamtamasyz etilýi kerek

«Memleket basshysy Qasym-Jomart Kemeluly Toqaevtyń «jaýapkershilikti aýyrlatatyn mán-jaı bolmasa, jazany jeńildetý úshin shara qabyldaǵan jón» degen pikirimen tolyq kelisemiz. Memlekettik quzyrly organdardyń qyzmeti barynsha ashyq, ári obektıvti bolýy, barlyq jaıt jasyrylmaı, ashyq aıtylýy mindetti», - dedi jazdy Lázzat Súleımen.

Sondaı-aq, depýtat asyraýshysynan aıyrylǵan otbasylarǵa memleket kómektesýi kerek, zardap shekkender úshin ońaltý júrgizip, kýrsanttarǵa, áskerı jáne polıtsııa qyzmetkerlerine materıaldyq jáne moraldyq qoldaý kórsetý kerek ekenine nazar aýdardy.

«Sonymen qatar, Úkimet, qandy qasiret sebepteri men saldaryna qatysty tereń áleýmettik zertteýler júrgizilip, sodyrlar soqqysy qaıtalanbaıtyndaı sharalar qamtamasyz etilýi tıis»,- dedi senator.


Jańalyqtar

MURAǴAT