+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Laýra Demesinova: Zamandastarymmen tize qosyp, el múddesi úshin eńbek etkim keledi

2020 jylǵy 21 qańtar 10:44
Bólisińiz:
Laýra Demesinova: Zamandastarymmen tize qosyp, el múddesi úshin eńbek etkim keledi

NUR-SULTAN. QazAqparat – Prezıdenttiń kadr rezervine engen «Bolashaq» qaýymdastyǵynyń atqarýshy dırektory Laýra Demesinova aldaǵy josparymen bólisti, dep habarlaıdy QazAqparat tilshisi.

Uqsas jańalyqtar
Eńbek jolyńdy aýyldan bastaýdyń esh kemshiligi joq – jas dáriger Kadrlyq rezerv ókili BQO-da basshylyq qyzmetke taǵaıyndaldy Túrkistan oblysynda 20-ǵa jýyq maman Prezıdenttiń kadr rezervine alynǵan

«Úzdik úsh júz azamattyń arasynan oryn alý – bárimiz úshin zor maqtanysh, sebebi iriktelgender tizimine ene otyryp, halyq pen memleket úshin eńbek etý múmkindigine ıe bolyp otyrmyz. Memleket basshysy bizben kezdesken sátinde kadrlyq rezervke engen jastardy jaýapty qyzmetke kelýin qalaıtynyn, bilimdi ári talapty azamattarǵa úlken úmit artyp otyrǵanyn aıtyp ótti. Qazaqstannyń damýyna aıanbaı úles qosatynymyzǵa senim bildirdi. Ómirimniń keıingi úsh aıyn saralap, taldasam qyzmet jolynda birshama synaqta júrippin. Emtıhandardan óte júrip, elimizdiń ár óńirinen jańa dos taptyq. Sol dostarymmen keleshekte el úmitin aqtap, memlekettiń múddesi úshin barymdy salǵym keledi», - dedi Laýra Demesinova.

«Bolashaq» qaýymdastyǵynyń atqarýshy dırektory qazaq tarıhynda bilimdi jáne bilikti azamattarynyń ortaq múddege toptasqanyn aıtyp ótti.

«Máselen, alashordashylar el úshin eńbek etken ultty bıikke jeteleıtin, jańasha damýǵa bastaıtyn shoǵyr qalyptastyrdy. Osy oraıda, Prezıdentimizdiń Alash ardaqtysy Álıhan Bókeıhannyń «Ultqa qyzmet etý bilimnen emes, minezden» dep aıtqanyn tilge tıek etýi beker emes. Sol kezeńde halyq úshin aıanbaı eńbek etkenderdiń basym bóligi «orda buzar» jastyń aınalasyndaǵy jastar ekenin kóremiz. Endeshe, Prezıdenttiń kadrlyq rezervin uıymdastyryp, jastardy jaýapty qyzmetke taǵaıyndaý jańa serpin beretini anyq. Memleket basshysynyń tizimge engen jastarmen kezdesýinde «Memlekettik basqarýdaǵy kez kelgen ózgeris muqııat zerdelengen, uzaq merzimdi strategııaǵa saı júrgizilýi kerek. Kadrlyq saıasat munda mańyzdy rólge ıe. Bul – eń aldymen, memlekettiń jańa kadrlyq saıasatyna qatysty másele. Onyń basty mindeti – memlekettik apparatty jetildirý jáne basshylardyń jańa býynyna jol ashý. Prezıdenttik kadr rezerviniń negizgi kózdegen maqsaty da – osy. Búgingi jastar – memlekettik basqarý júıesiniń bolashaǵy. Árqaısyńyzdan eldi damytýǵa tyń serpin beretin jańa ıdeıa men nátıjeli jumys kútemiz» deýi de kóp nárseni ańǵartady», - deıdi ol.

Laýra Demesinova qazirdiń ózinde rezervke ótken elý bes azamat jańa qyzmetke bekitilgeninen habardar ekenin atap ótti.

«Maǵan da túrli usynys keldi. Ázirge oı ústindemin. Aldaǵy ýaqytta rezervke engender memlekettik organdar men ulttyq kompanııalarǵa jaýapty qyzmetke jiberilmek. Endeshe, kadrlyq rezervtiń áleýetin tolyq paıdalanýǵa zor múmkindik bar», - dep túıdi Laýra Demesinova.

Eske sala ketsek, osydan birneshe kún buryn Memleket basshysy Qasym-Jomart Toqaev Prezıdenttiń kadr rezervine engen 300 jaspen kezdesý ótkizgen bolatyn. Jıynda Qasym-Jomart Toqaev el jastaryna úndeý joldady.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT