+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Latyn Amerıkasynyń koronavırýspen kúresi kóńil kónshitpeıdi

2020 jylǵy 7 maýsym 15:55
Bólisińiz:
Latyn Amerıkasynyń koronavırýspen kúresi kóńil kónshitpeıdi

MEHIKO. QazAqparat – Latyn Amerıkasynyń álemdi jaılaǵan indetke qarsy sharalary kóńil kónshitpeıdi, dep habarlaıdy QazAqparat CNN-ge silteme jasap.

Uqsas jańalyqtar
Mańǵystaýda jazasyn óteýshiler 40 myń dana vırýstan qorǵanysh kostıýmin tikti Aıagózde balalarǵa arnalǵan ortalyqta 35 tárbıelenýshi men 22 qyzmetker indet juqtyrǵan Álem boıynsha sońǵy bes kúnde 1 mln adam koronavırýs juqtyrǵan

Munda koronavırýstan kisi óliminiń sany basqa kez kelgen óńirge qaraǵanda tez artyp keledi.

Latyn Amerıkasynda 1,2 mıllıon adamnan koronavırýs anyqtalǵan, 60 000-nan astam adam qaıtys bolǵan.

«Bizdi ásirese Ortalyq Azııa men Ońtústik Amerıkadaǵy jaǵdaı alańdatady, onda kóptegen elde indet órship keledi», - dep málimdedi sársenbi kúni Dúnıejúzilik densaýlyq saqtaý uıymy (DSU) bas dırektory Tedros Adhanom Gebreıesýs.

Latyn Amerıkasyndaǵy koronavırýstan kóp zardap shekken elder: Brazılııa, Meksıka jáne Perý. Bul elder aımaq halqynyń 60%-yn quraıdy. Brazılııada 645 771 adamnan koronavırýs anyqtaldy , 35 026 adam qaıtys boldy.

Bul el jaqynda COVID-19 juqtyrýdan álemdegi Amerıka Qurama Shtattarynan keıin ekinshi orynǵa shyqty. Osy aptada Rıý-Grandı-dý-Sýl Federaldy ýnıversıteti jarııalaǵan zertteýde 20 maýsymǵa qaraı Brazılııada KVI anyqtalǵan adam sany 1 mıllıonǵa, al ólgen adam sany 50 000-ǵa jetedi degen boljam jasalǵan.

Agencia Brasil Brazılııa prezıdenti Jaır Bolsonarý osy aptada DDU-ǵa AQSh-tyń artynan uıymnan ketemiz dep ses kórsetken. Onyń aıtýynsha, Dúnıejúzilik densaýlyq saqtaý uıymy tym ıdeologııalandyrylǵan jáne Brazılııa eldiń densaýlyq saqtaý salasynda ne isteý kerektigi jaıly atalǵan uıym jón silteýine jol bermeıdi.

«Búgin tańerteń Brazılııanyń Densaýlyq saqtaý mınıstrligi sońǵy aılarda eldegi koronavırýstyń órshýi týraly barlyq málimetterdi alyp tastady», dep habarlaıdy BBC News.

Mınıstrlik qazir vırýs juqtyrýdyń jańa jaǵdaılary men ólim-jitim statıstıkasy týraly derekterdi tek sońǵy 24 saǵat ishinde jarııalaıtyn bolady. COVID-19 jaǵdaılarynyń sany týraly jalpy derekter jarııalanbaıdy.

CNN habarlaǵandaı, Meksıkadaǵy ahýal Brazılııadaǵydaı qorqynyshty emes, degenmen jaǵdaı kóńil kónshitpeıdi. Ótken aptada koronavırýs anyqtalý jáne odan bolǵan kisi ólimi týraly derekter kóp tirkeldi. Osy aptada elde alǵash ret bir kúnde 1000-nan astam adam ólimi boldy. Sondaı-aq, úsh kún qatarynan aýrý juqtyrýdyń jańa derekteri óte kóp tirkelgen.

Meksıkada qazirdiń ózinde COVID-19 juqtyrǵan 110 026 jaǵdaı tirkelgen. Jańa vırýstan 13170 adam qaıtys bolǵan. Kórsetilgen statıstıkaǵa qaramastan, Meksıka bıligi eldegi ekonomıkalyq jáne áleýmettik ómirdi birtindep jolǵa qoımaqshy.

Perý elinde koronavırýstyń 187 400 jaǵdaıy tirkelgen. Bul – Brazılııadan keıingi aımaqtaǵy ekinshi nashar nátıje. Osyǵan qaramastan Perý bıligi Meksıkadan úlgi alyp, karantındi alyp tastamaq. Jaqynda eldegi ekonomıka burynǵy ómirge qaıta oralady: dúkender, sulýlyq salondary jáne basqalary ashylady.

Aıta ketý kerek, aımaqta koronavırýspen kúreste nátıje shyǵara alǵan el bar. Bul – Ýrýgvaı. Shamamen 3,5 mıllıon adam turatyn elde nebári 834 adamnan koronavırýs anyqtalǵan. Ýrýgvaıda jańa vırýstan bolǵan alǵashqy ólim 24 mamyrda tirkeldi. Jalpy, elde vırýstyń saldarynan 23 adam qaıtys boldy.

Sarapshylardyń pikirinshe, karantın rejımin ýaqtyly engizý, vırýs juqtyrǵan adamdardy oqshaýlaý, turǵyndardy testileý jáne daǵdarys ortalyǵyn qurý elde jańa vırýsqa qarsy kúreste sheshýshi ról atqardy. Ýrýgvaı mamyr aıynyń sońynda karantındik shekteýlerdi alyp tastaı bastady. 1 maýsymda oqýshylar mektepke, bıznes jáne ekonomıka birtindep «qalypty ómirge» oraldy.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT