+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Qyzylordanyń shalǵaı aýyldarynda mal sharýashylyǵy damyp keledi

2020 jylǵy 30 qazan 22:54
Bólisińiz:
Qyzylordanyń shalǵaı aýyldarynda mal sharýashylyǵy damyp keledi

QYZYLORDA. QazAqparat - Qyzylorda oblysynyń shalǵaı aýyldarynda mal sharýashylyǵy jańa qarqynmen damyp jatyr, dep habarlaıdy QazAqparat tilshisi.

Uqsas jańalyqtar
Jyl basynan beri 1 myńnan astam adam mal urlyǵymen ustaldy

Búginde óńirdegi aýyl sharýashylyǵy ónimderiniń jalpy kóleminde mal sharýashylyǵynyń úlesi shamamen 40% quraıdy. Osy rette shalǵaıdaǵy mal sharýashylyǵy da jaqsy qarqynmen damýda.

Bul baǵytty damytýdaǵy negizgi másele - shalǵaı eldi mekenderde jaıylymdy sýmen qamtamasyz etý. Sondyqtan olardy paıdalaný tıimdiligin arttyrý úshin alǵashqy kezekte oblysta 2,5 myńǵa jýyq qudyq, uńǵyma jáne basqa da sýaratyn nysandarǵa túgendeý júrgizildi.

Sol boıynsha paıdalanylmaıtyn jaıylym alqaptarynda jóndeýdi qajet etetin 452 sý kózi anyqtaldy. Osy mindetti sheshe otyryp jaıylymdyq jer kólemin arttyryp, mal basyn aıtarlyqtaı kóbeıtýge bolady.

«Óńirde 1 qazanǵa deıingi málimet boıynsha 352,6 myń múıizdi iri qara, 761,9 myń qoı men eshki, 153,8 myń jylqy, 53,2 myń túıe jáne 124,8 myń qus tirkelgen. Oblysta 3500-ge jýyq qurylym ata kásipti órkendetip otyr. Asyl tuqymdy mal sharýashylyǵyn damytýǵa, ónimdilik pen ónim sapasyn arttyrýdy sýbsıdııalaýǵa bıyljergilikti bıýdjetten 2 432,1 mln teńge qaralǵan. Qazirge deıin 700-den astam sharýashylyqqa tıisti sýbsıdııa tólendi. Oblysta bordaqylaý alańynyń sany arta tústi. Mundaı jumyspen aınalysatyn 20 oryn tirkelgen. Onda 12 myń bas múıizdi iri qarany bordaqylaýǵa múmkindik bar», - deıdi oblystyq aýyl sharýashylyǵy basqarmasynyń basshysy Shahmardan Qoıshybaev.

Oblysta agrarlyq salany damytý maqsatynda mal sharýashylyǵy ónimderin óndirý jáne qaıta óńdeý boıynsha jalpy somasy 10 mlrd teńgeden asatyn 33 joba iske asyrylýda.

Onyń ishinde qýaty 8,4 myń tonnany quraıtyn sút-taýar fermasy, jylyna 5 myń tonna et óndire alatyn kombınat salý josparlanǵan.

Oǵan qosa jylyna 130 tonna túıe sútinen qurǵaq untaq óndiretin jáne pasterlengen sút ónimderin óndirý sekildi ózge de jobalar bar.

Sondaı-aq, Qyzylorda oblysynyń kúrish ósirýshileri jańa rekord ornatty.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT