+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Qyzylordanyń barlyq memlekettik mekemelerinde Ánuran shyrqaldy

2020 jylǵy 4 maýsym 18:07
Bólisińiz:
Qyzylordanyń barlyq memlekettik mekemelerinde Ánuran shyrqaldy

QYZYLORDA. QazAqparat - Qyzylorda oblysynda Memlekettik rámizder kúnine oraı barlyq memlekettik mekemelerde bir mezette Ánuran shyrqaldy, dep habarlaıdy QazAqparat tilshisi.

Syr óńirinde bıylǵy is-sharalar koronovırýs ınfektsııasyna baılanysty karantın talaptaryn saqtaı otyryp, onlaın ótkizildi. Qyzylorda qalasy men aýdan ortalyqtarynda bılbordtar, bannerler sekildi taqyryptyq kórneki quraldary ilindi. «Memlekettik rámizder - ultymyzdyń maqtanyshy» taqyrybynda beınerolıkter jergilikti telearnalar men áleýmettik jelide kórsetildi. Kitaphanalarda, mýzeılerde «Memlekettik rámizder –Táýelsizdik nyshany», «Rámizderim - maqtanyshym» taqyryptarynda onlaın kitap kórmeleri men ekskýrsııalar ótkizildi. Sondaı-aq, memlekettik organdarda karantın talaptaryn saqtaı otyryp, memlekettik qyzmetke jańadan qabyldanǵan qyzmetkerlerden ant qabyldandy.

Ataýly kúnde oblys aýmaǵynda «Meniń Týym» taqyrybynda arnaıy aktsııa ótkizildi. Aktsııa barysynda Qyzylorda qalasy men aýdan ortalyqtaryndaǵy kórneki oryndarda elimizdiń aspan túktes kók týy jelbirep turdy. Máselen, Memlekettik tý Qyzylorda qalasynyń Ortalyq alańynda, Memlekettik rámizder alleıasynda, Syrdarııa ózeniniń sol jaǵalaýynda jańadan paıdalanýǵa berilgen kóp qabatty turǵyn úıdiń balkondaryna, «Jaına» saýda úıiniń, «Bolashaq» ýnıversıtetiniń jáne Qorqyt ata atyndaǵy QMÝ-dyń 5-oqý ǵımaratynyń tusynda ornalasqan jaıaý júrginshiler kópirlerine Memlekettik Tý ornalastyryldy. Osyndaı shara aýdan ortalyqtarynda da bolyp ótti.

«Búgin saǵat 10.00-de barlyq memlekettik mekemelerde qyzmetkerler bir mezette, karantın talaptaryn saqtaı otyryp, Memlekettik Ánuran shyrqaldy. Oǵan barlyq ujymdar belsendi túrde atsalysty. Búgingi sharalar barysynda «Elimniń kók baıraǵy – eldigimniń aıǵaǵy» taqyrybynda YouTube jelisindegi «Syr birligi» kanalynda onlaın lektorıı, oblystyq bilim basqarmasynyń Facebook paraqshasynda «Meniń Qazaqstanym» atty onlaın mánerlep oqý chellendji, onlaın patrıottyq ánder baıqaýy, oqýshylar arasynda onlaın shyǵarmalar baıqaýy ótti. Al Á.Tájibaev kitaphanasynyń Facebook paraqshasynda «Týym - namys, uranym - birlik, rámizderim -maqtanyshym» onlaın bilgirler saıysy boldy. YouTube jelisindegi «Syr shańyraǵy» kanalynda «Syrly saz» aspapty mýzyka aıdarynda Turmaǵambet atyndaǵy halyq aspaptar orkestri ártisteriniń birikken onlaın kontserti berildi», - dedi oblystyq ishki saıasat basqarmasynyń mamandary.

Ataýly kún qurmetine oblystyq fılarmonııanyń Facebook paraqshasynda «Rámizderim - rýhymnyń aınasy» atty onlaın fılm kontserti ótit. Jergilikti jurtshylyqqa «Ádemi» balalar mýzykalyq teatr stýdııasynyń «Otanymdy súıemin» atty onlaın balalar qoıylymy kórsetildi. Qaladaǵy qoǵamdyq kólikterde jáne saıabaqtar men saýda ortalyqtarynda Memlekettik Gımn shyrqaldy. Qyzylorda qalasynyń kóshelerinde avto-moto jáne atty áskerı sherýler uıymdastyryldy. Osyndaı sharalar barlyq aýdanda óz jalǵasyn tapty.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT