+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Qyzylordalyqtar qala kúnin atap ótti

2019 jylǵy 14 qazan 10:49
Bólisińiz:
Qyzylordalyqtar qala kúnin atap ótti

QYZYLORDA. QazAqparat - Qyzylordalyqtar qala kúnin atap ótti, dep habarlaıdy QazAqparat.

Uqsas jańalyqtar
Arysta qala kúni toılandy Atyraýda qala kúnine arnalǵan merekelik kontsertke 20 myń adam keldi

Syr jurtshylyǵy Qyzylorda qalasynyń 201 jyldyǵyn atap ótti. Bir aıǵa sozylǵan mádenı-kópshilik shara Ǵ. Muratbaev atyndaǵy ortalyq stadıonda gala-kontsertpen aıaqtaldy. Merekelik sharada elge eńbegi sińgen birqatar azamattar «Qyzylorda qalasynyń qurmetti azamaty» ataǵyn alyp, Alǵys hattarmen marapattaldy.


Qala kúnine arnalǵan merekelik sharada oblys ákimi Qýanyshbek Ysqaqov Reseıdiń Ekaterınbýrg qalasynda ótken Álem chempıonatynda el mereıin ústem etken boksshylar Qamshybek Qońqabaevqa 2 mln teńge, Tursynbaı Qulahmetke 1 mln teńge, sondaı aq erkin kúresten Álem chempıonatynyń kúmis júldegeri Dáýlet Nııazbekovke 2 mln teńgeniń jáne sportshylardyń bapkerlerine 500 myń teńgeniń sertıfıkatyn tabystady.


«Eki ǵasyrlyq tarıhy bar Qyzylorda búgingi kúni qala halqynyń aınymas birliginiń, tynymdy tirliginiń arqasynda ekonomıkasy qaryshtap damyǵan, áleýmettik áleýeti artqan qala retinde zamanǵa saı kelbetke ıe bolyp keledi. Qarqyndy qurylys alańyna aınalyp, qala aýmaǵyn Syrdarııanyń sol jaǵalaýyna qaraı damytyp, aýmaǵy keńeıe bastady. Qala ortalyǵynda ǵana emes, sol jaǵalaýdaǵy jańa qalada turǵyndardyń sapaly da jaıly turmys keshýi úshin barlyq jaǵdaı jasalyp, túrli áleýmettik nysandarmen birge turǵyn úıler kóptep salynýda. Shyndyǵynda, turǵyn úıler, túrli nysandar sanynyń artýy, qurylystyń keńinen júrýi qalamyzdyń áleýmettik-ekonomıkalyq jaǵdaıynyń alǵa qaraı ilgerileı túskenin ańǵartady. Súıikti qalamyz Qyzylordanyń búgingideı qulpyryp, jasaryp, jaınaı túsýinde Sizderdiń árbirińizdiń qosqan úlesterińiz zor dep bilemin. Osyndaı mereıli merekede ár otbasyna qut-bereke, merekelik jaqsy kóńil-kúı, myqty densaýlyq, uzaq ǵumyr, shańyraqtaryńyzǵa shattyq tileımin», - dedi oblys ákimi Qýanyshbek Ysqaqov.


Sońǵy jyldary qalada jańa shaǵyn aýdandar boı kóterip, 7 myńnan astam qyzylordalyq baspanaly boldy. Bıyl da bul sharalar qarqyndy júrgizilip, qurylys kólemi ótken jyldyń tıisti kezeńimen salystyrǵanda 2,3 esege artqan. Aımaqtaǵy qurylys jumystarynyń 40 paıyzy oblys ortalyǵynyń úlesinde.


Aımaq basshysy Qýanyshbek Ysqaqov qurylys salasyndaǵy jumystardyń eń aýqymdysy, Syrdarııa ózeniniń sol jaǵalaýyndaǵy jańa qalada júrgizilip jatqandyǵyn jetkizdi. Respýblıkalyq, oblystyq bıýdjetterden 820 páterlik 16 kópqabatty arendalyq turǵyn úı men 830 páterlik 17 kópqabatty kredıttik turǵyn úıdiń qurylysy bastalyp, jyl sońyna deıin paıdalanýǵa beriletindigin aıtty.

«Qala kúnin» atap ótý sharalary ashyq aspan astyndaǵy KTA festıvalinen bastaldy. Odan keıin «Qyzylorda meniń kózimmen» atty fotosýretter kórmesi men «Kóńildi senbilik» aktsııasy ár senbi saıyn júrgizildi. Al, 18-19 qyrkúıekte Qajymuqan Muńaıtpasuly atyndaǵy sport klýbynda Jasóspirimder arasynda karate-dodan qalalyq ashyq birinshilik ótkizildi. «Mádenıet máıegi - qyzylorda» dep aıdar taqqan mádenıet jáne rýhanııat aptalyǵynda jas otbasylar arasynda «Tolaǵaı» sporttyq saıys, «Baýyrsaq Party» men jastar karnavaly da uıymdastyryldy. Sonymen qatar, «Kóńildi avtobýs» sharasy aıasynda qoǵamdyq kólikterde qala turǵyndaryna merekelik kóńil-kúı syılaý maqsatynda aımaq ónerpazdary shaǵyn kontserttik baǵdarlamalaryn usyndy. Aýyl sharýashylyǵy ónimderiniń jármeńkesi, respýblıkalyq «Aǵash otyrǵyzý» aktsııasy, at jarysy, Syr dıqandarynyń «Altyn dán» merekesi de osy qala kúnimen qatar uıymdastyryldy.


Atalǵan sharalar Qazaqstan estrada juldyzdarynyń qatysýymen ótken gala-kontsertpen qorytyndylandy.

Bizdiń kanalymyzǵa jazylyńyz:

Basty sózder: Qyzylorda oblysy,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT