+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

Qyzylordalyq polıtseıler 1000-ǵa jýyq buzýshylyqty anyqtady

2020 jylǵy 6 jeltoqsan 02:47
Bólisińiz:
Qyzylordalyq polıtseıler 1000-ǵa jýyq buzýshylyqty anyqtady

QYZYLORDA. QazAqparat - Qyzylordalyq polıtseıler reıdtik sharalar barysynda jyl basynan beri 1000-ǵa jýyq ákimshilik-quqyq buzýshylyqty anyqtady, dep habarlaıdy QazAqparat tilshisi.

Qyzylorda qalalyq polıtsııa basqarmasy ýchaskelik ınspektorlarmen birge qylmystyń aldyn-alý, quqyq buzýshylyqqa qarsy kúresti kúsheıtýge nazar aýdaryp otyr. Josparly is-sharalardy júzege asyrý barysynda profılaktıkalyq jumystar júrgizildi. Ol qylmystyń tómendeýine oń áserin tıgizdi.

Ákimshilik quqyq buzýshylyq týraly kodeks boıynsha 24 qorǵaý nusqamasyn buzý, 84 otbasy-turmystyq qatynastar aıasyndaǵy quqyqqa qarsy áreketter tirkeldi. Bul boıynsha hattama toltyrylyp, sot sheshimi shyqty. Sondaı-aq, qoǵamdyq orynda usaq buzaqylyq jasaǵany úshin 915, alkogol ónimin ótkizý jónindegi talaptaryn buzǵany úshin 246, belgilenbegen oryndarda saýda jasaý boıynsha 220 azamatqa shara kórildi. Al aýyl sharýashylyǵy janýarlaryn jaıý qaǵıdalaryn, ıtter men mysyqtardy asyraý jáne serýendetý qaǵıdalaryn, qańǵybas ıtter men mysyqtardy aýlaý jáne joıý qaǵıdalaryn buzýdyń 403 deregi tirkelse, 1188 azamatqa qalalar men eldi mekenderdiń aýmaqtaryn abattandyrý qaǵıdalaryn buzý jaǵdaıy boıynsha ákimshilik shara kórildi.

Sondaı-aq qalalar men eldi mekender ınfraqurylymy obektilerin buzý, jasyl ekpelerin joıý jáne búldirý boıynsha azamattar ajýapqa tartyldy. Qoǵamdyq orynda alkogoldik ishimdik iship, masań kúıinde júrgeni úshin, jekelegen qoǵamdyq oryndarda temeki buıymdaryn tutynýǵa tyıym salýdy buzý boıynsha azamattarǵa ákimshilik shara kórildi.

«Jergilikti polıtsııa qyzmetine zańnamaǵa saı quqyqtyq sharalardy júzege asyrý mindetteri men zor jaýapkershilik júkteldi. Qyzylorda qalasynyń jergilikti polıtsııa qyzmeti bóliminiń ýchaskelik polıtsııa ınspektorlary búgingi tańda 107 shtattyq qyzmetkerden turady. Qala kóleminde 79 ýchaskelik polıtsııa ınspektorlary aımaqta qyzmet atqarady. Olardyń 71-i qala aýmaǵynda bolsa, 8-i eldi mekende ornalasqan», - dep málim etti Qyzylorda oblystyq polıtsııa departamentiniń baspasóz qyzmeti.

Sondaı-aq, Qyzylordada polıtseıler ekstremaldy trenıngke qatysty

https://www.inform.kz/qz/kyzylordada-policeyler-ekstremaldy-treningke-katysty_a3726600.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT