+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Qyzylordalyq oqýshy Abaıdyń 200-den astam shyǵarmasyn jatqa biledi

2020 jylǵy 12 qańtar 18:36
Bólisińiz:
Qyzylordalyq oqýshy Abaıdyń 200-den astam shyǵarmasyn jatqa biledi

QYZYLORDA. QazAqparat - Qyzylordalyq oqýshy Nuraı Ómirzaqova qazaqtyń kemeńger tulǵasy - Abaıdyń 200-den astam óleńin jatqa biledi, dep habarlaıdy QazAqparat tilshisi.

Uqsas jańalyqtar
Almatyda Abaıdyń 175 jyldyq mereıtoıyna arnalǵan ádebı mýzykalyq shara ótti Qaraǵandylyq áskerıler #Abai175 chellendjin qoldady Semeıde Abaıdyń mereıtoıyna oraı jańa spektakl qoıylmaq

Búginde ol Qyzylorda qalasyndaǵy Nazarbaev zııatkerlik mektebinde onynshy synypta tálim alady. Abaı shyǵarmalaryna alǵash úshinshi synypta qyzyǵýshylyq tanytqan eken. Sol ýaqytta ata-anasy oǵan Muhtar Áýezovtiń «Abaı joly» roman-epopeıasyn oqýǵa keńes beredi. Sodan beri Nuraıdyń Abaı shyǵarmalaryna degen qyzyǵýshylyǵy arta túsedi. Aqynnyń ómiri men shyǵarmashylyǵyn bilýge qulshyna kirisedi.

«Tarıhı shyǵarma meni ózine erekshe baýraı tústi. Sońyna deıin bas almaı oqyp shyqtym. Onda aıtylǵan oryndardy, tarıhı qonystardy kózimmen kórýge talpyndym. Besinshi synyp oqyp júrgende «Abaı oqýlary» degen baıqaýdyń bolatynyn estidim. Soǵan qatysýǵa sheshim qabyldadym. Ádebıet páninen dáris beretin ustazym bul nıetimdi qup kórdi. Baıqaýda jeńgen júldeger Abaıdyń dúnıege kelgen topyraǵy - Semeı óńirine barýǵa múmkindik alatynyn jetkizdi», - deıdi Nuraı.

Osylaısha, ol baıqaýǵa qatysýǵa belsene kiristi. Eki aıdyń ishinde uly aqynnyń 150-ge jýyq shyǵarmasyn zerdesine toqyp úlgerdi. Eńbegi esh ketken joq. Aýdandyq jáne oblystyq baıqaýda jeńimpaz atandy. Tórt aıdan keıin respýblıkalyq baıqaýda Abaıdyń 200-den astam jáne Shákárimniń 60-tan astam óleńin zerdesine toqyp, bilim báıgesinde dıplomant atandy. Nátıjesinde aqynnyń dúnıege kelgen topyraǵynda tarıhı oryndardy aralap qaıtýǵa múmkindik aldy.

Búginde Nuraı sabaqtan qoly bos ýaqytta Abaı shyǵarmalaryna zer salǵandy jany unatady. Qazaqtyń kemeńger tulǵasynyń qııalynan týǵan árbir dúnıe halqymyzǵa oramdy oı salatyny anyq. Dala danyshpany zamana tynysyn tap basyp, qoǵamnyń ózekti máselesin halyqtyń talqysyna salady. Bul - árbir qazaq úshin basty talap. Kemshiligin túzep, alǵa qadam basýdyń alǵysharty retinde sanaý artyq emes. Nuraı jas ta bolsa aqyn shyǵarmashylyǵynan sondaı oı túıip, onda aıtylǵan san alýan pikirdi talǵam tarazysyna tarta biledi.

Nuraı keleshekte neırohırýrg bolýdy aldyna maqsat etip otyr. Elimizdiń medıtsına salasynda joǵary deńgeıdegi bilikti maman bolýdy armandaıdy. Búginde sol maqsatta bilimin tolyqtyryp, úlken izdenis jasap keledi.

Budan buryn Qyzylordada uly aqynmen esimi men tegi birdeı Abaı Qunanbaev mektep bitirgenin habarlaǵan edik.


Bizdiń kanalymyzǵa jazylyńyz:

Basty sózder: Qyzylorda oblysy, Bilim, #Abai175,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT