+7 (701) 759 90 19
USD 429.76 EUR 518.16
RUB 5.64 CNY 66.15
Jańalyqtar

Qyzylordalyq medbıke maıdanda nemis soldattaryn da emdep, alǵysqa bólengen

2020 jylǵy 9 mamyr 13:58
Bólisińiz:
Qyzylordalyq medbıke maıdanda nemis soldattaryn da emdep, alǵysqa bólengen

QYZYLORDA. QazAqparat - Soǵys jáne eńbek ardageri, medıtsına qyzmetiniń zapastaǵy kapıtany Lıýbov Kolesnık Germanııanyń Noı-Repen qalashyǵynda jaralanǵan keńestik jaýyngerlermen birge nemis soldattaryn da emdegen, dep habarlaıdy QazAqparat tilshisi.

Lıýbov Sergeevna 1925 jyly Ońtústik Qazaqstannyń Arys óńirinde áskerı qyzmetker otbasynda dúnıege kelgen. 1941 jyly Stepanovtar otbasy (ol kezde Lıýba ájeıdiń tegi Stepanova bolǵan) úshin qaıǵyly jaǵdaı oryn aldy. Áýlettiń ákesi dúnıeden ozyp, Lıýbany úlken aǵasy Qyzylordaǵa alyp keldi. Osydan keıin týra 18 kún ótkende soǵys bastalǵan.

Ol jergilikti medıtsına tehnıkýmyna oqýǵa túsip, ony bitirgen soń brýtsellezge qarsy kúres stantsııasyna joldama alǵan. Sonda jumys jasap júrip, jasy kámeletke tolǵan soń maıdanǵa attandy. Ol áıgili G.Jýkov qolbasshylyq etken birinshi Belarýs maıdanyna túsken

«Nemister sovet soldattary men medbıkelerine úreılene qaraǵany esimde qalypty. Sol kezdegi buıryq boıynsha, jaralanǵandardyń barlyǵyna birdeı kómek kórsetý mindettelgen. Jaý qatty qarsylasty. Jaralanǵandar da kóp. Al gospıtaldi toqtaýsyz nóser jaýǵan batpaqty jerge ornalastyrýǵa májbúr bolǵan. Jaraly jaýyngerlerdiń astyna aǵash butaǵyn tósep, jańbyrdan qalqalaý úshin pla-palatkalardy paıdalanǵan kezimiz de boldy. Dál sondaı jaǵdaı Polshadaǵy maıdanda da bolǵan», - deıdi qart maıdanger.

Qatardaǵy Stepanovany jumystyń qıyndyǵy qorqyta alǵan joq. Ómiri áskerde ótken ákesiniń tárbıesi onyń kez kelgen jaǵdaıǵa beıimdelip, Otan aldyndaǵy boryshyn adal atqarýyna járdemdesti. Tipti, bombalaý kezinde de júregi shaılyqpady. Aspan aınalyp jerge túserdeı snarıadtardyń daýysy tym jaqynnan estilgenimen, baıbalam salýǵa, qorqynyshqa erik berýge bolmaıtyn edi. Gospıtal jeńil jaralanǵandarǵa arnalǵanymen, munda aýyr jaraqatpen de sarbazdar kóp túsetin. Olardy tyldaǵy gospıtaldarǵa sanıtarlyq poıyzdarmen jóneltkenge deıingi kútim – gospıtal dárigerleriniń moınynda. Sondyqtan, qyzmetkerler táýlik boıy tynymsyz jumys istedi.

Lıýbov Sergeevna Uly Jeńis kúnin de osy qalashyqta qarsy alǵan. Ol gospıtalde 1945 jyldyń qyrkúıegine deıin qyzmet etip, Qyzylordaǵa qaıta oraldy. Elge qaıtar aldynda beıbitshilik týraly sózin Berlınniń eń áıgili rámizi – Brandenbýrg qaqpasyna jazyp qaldyrǵan.

Lıýba ájeı Qyzylordaǵa kelgen soń lokomotıv deposyna feldsher bolyp ornalasyp, zeınetke shyqqansha sonda eńbek etti. Sonymen qatar, únemi keńes áskeriniń erekshe esebinde boldy.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT