Qyzylordalyq Maqsat Isaǵabylov «Qazaqstan barysynyń» jeńimpazy atandy
2022 jylǵy 3 shilde 19:06

Qyzylordalyq Maqsat Isaǵabylov «Qazaqstan barysynyń» jeńimpazy atandy

NUR-SULTAN. QazAqparat - Búgin elordada ótken respýblıkalyq «Qazaqstan barysy» týrnırinde qyzylordalyq Maqsat Isaǵabylov chempıon atandy, dep habarlaıdy QazAqparat tilshisi.

Ol fınalda mańǵystaýlyq Nurdáýlet Jarylǵapovpen kezdesti. Nátıjesinde Maqsat qarsylasyn jeńip, bıylǵy týrnırdiń jeńimpazy atandy.

Maqsat Isaǵabylov 1994 jyldyń 17 qarashasynda Qyzylorda oblysynda dúnıege kelgen. Boıy 184 santımetr bolsa, salmaǵy 120 keli.

Buǵan deıin qazaq kúresinen halyqaralyq dárejedegi sport sheberi atanǵan.

Oǵan 25 mıllıon teńge aqshalaı syılyq, altyn belbeý jáne altynnan quıylǵan «taıtuıaq» berildi.

Al ekinshi oryn ıegeri Nurdáýlet Jarylǵapovqa 5,5 mıllıon teńge men kúmis belbeýge qol jetkizdi.

Týrnır barysynda qola júldege jambyldyq Ǵalymjan Qyryqbaev qol sozyp, 1,8 mıllıon teńge men qola belbeýge ıe boldy.


Jańalyqtar

Úrdis

MURAǴAT