Qyzylordalyq kórshisiniń bir aılyq sábıi men jeti jasar balasyn órtten aman alyp shyqty

QYZYLORDA. QazAqparat – Qyzylordalyq kórshisiniń balalaryn órtten qutqaryp qaldy, dep habarlaıdy QazAqparat tilshisi.

Uqsas jańalyqtar

Ýraınada qarttar úıi órtenip, 15 adam qaza tapty

Taldyqorǵanda qoǵamdyq kólik otqa orandy Almatyda aǵash qoımasynan órt shyqty Qyzylordada jasóspirimderdiń úıden ketip qalý deregi kóbeıgen

Oqıǵa 3 jeltoqsan kúni keshke bolǵan. Kóp qabatty úıde turatyn otbasynyń bir aılyq jáne jeti jasar balalary úlkenderdiń baqylaýynsyz qalǵan. Sol sátte 7 jastaǵy búldirshin otpen oınaǵan. Ol kezde ákesi úlken balasyn mektepten alyp qaıtýǵa, analary dúkennen nan alýǵa syrtqa shyǵyp ketken.

Páterden shyqqan órtti tómengi qabattaǵy kórshisi Medet Rahmetov alǵashqylardyń biri bolyp baıqaǵan. Ol birden qutqarý qyzmetine habarlasyp, ózi áreket jasaǵan.

«Nátıjesinde ol tútin arasynan bir aılyq sábı men 7 jastaǵy balany qutqaryp qaldy. Jedel járdem qyzmeti balalardy oblystyq balalar aýrýhanasyna alyp ketti. Oqıǵanyń mán-jaıy anyqtalýda», - dedi qalalyq tótenshe jaǵdaılar departamentiniń órt sóndirý jáne avarııalyq qutqarý qyzmetiniń baspasóz hatshysy Álııa Erejepova.