+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qyzylordalyq erli-zaıyptylar úılený toıyn 13 jyldan keıin jasady

2019 jylǵy 8 jeltoqsan 18:14
Bólisińiz:
Qyzylordalyq erli-zaıyptylar úılený toıyn 13 jyldan keıin jasady

QYZYLORDA. QazAqparat - Qyzylorda qalasynda erekshe toı bolyp ótti. Erli-zaıypty Talǵat Amanjolov pen Mahabbat Qalybaeva úılený toıyn 13 jyldan keıin jasady, dep habarlaıdy QazAqparat tilshisi.

Uqsas jańalyqtar
Elordada túngi klýbta kóńil kótergender ustaldy Qytaıda tikushaq apatqa ushyrady Ýkraınadaǵy áskerı ushaq apaty: 25 adamnyń qaza tapqany belgili boldy

Erli-zaıyptylar 2006 jyly otaý kótergen bolatyn. Ol ýaqytta Talǵat 21, Mahabbat 17 jasta eken. Ekeýi dostarynyń toıynda tanysyp, bir-birin unatyp qalady. Kóp uzamaı qol ustasyp, otbasylyq ómirge qadam basýǵa sheshim qabyldaıdy. Ákesi erterek dúnıeden ozǵandyqtan Amanjolovtar otbasyndaǵy úsh qyz, eki uldy anasy Gúlderaı ósirip jetildirdi. Uldyń kenjesi bolǵanmen Talǵat eshkimge salmaq salǵysy kelmegen, biraq ózimen qol ustasyp úlken ómirge qadam basqan jubaıy Mahabbatqa úılený toıyn keıin jasaıtynyna ýáde bergen bolatyn. Degenmen turmys jaǵdaıymen arada jyldar ótip, sol ýádeni oryndaýdyń oraıy endi keldi. Búginde Talǵat pen Mahabbat alty bala tárbıelep, úsh ul men úsh qyzdyń ata-anasy atandy.

«2006 jyly eki jaqtyń kelisimimen Mahabbaty alyp qashtym. Jasyratyny joq, dúbirletip toı jasaýǵa shamamyz kelgen joq. Shańyraǵymda tek betashar rásimin atqardyq. Meshitte jáne zańdy nekemizdi qıdyrdyq. Sol sátte Mahabbatqa úılený toıyn jasap berýge ýáde etken edim. Sol ýádemdi oryndaýdyń oraıy endi keldi. Bizdiń bul sheshimimizge eki jaqtyń úlkenderi qarsy kelgen joq. Bizge aq batasyn berdi», - dedi Talǵat QazAqparat tilshisine.

Talǵat osylaısha qazaq jigitiniń ýáde berik bolatynyn taǵy bir márte dáleldeı tústi. Otbasylyq ómirde qos jas eseli eńbek etýmen qatar shańyraq shattyǵyna balanǵan urpaq ósirip, olarǵa ónegeli tárbıe berýge kóńil bólip otyr. Olardyń úlkeni Rasýl bıyl 11-ge tolsa, odan keıingi Nurǵaısha 10, Mansur 9, Qanaǵat 8, Aızere 5, Arý 4 jasqa toldy.

«Ata-anam meni dástúrge saı qoldan uzatqysy keldi. Degenmen joldasym ekeýmizdiń sheshimimizge qarsy bolǵan joq. Ózderiniń batasyn berip, bizge aqjol tiledi. Keshegi toıda ata-anam aq tilegin aqtaryp, kózine jas alyp jatty. Árıne, meniń qalyńdyq kóılegin kıip, toı tórinde otyrǵan sátimde erekshe sezim men qobaljý bolǵany jasyryn emes. Jarymnyń kezinde neke qııar sátte aıtqan ýádesinde turyp, osyndaı toı jasap bergenine rıza boldym», - dedi Mahabbat.

Otbasy músheleri bul toıǵa úsh aı boıy daıyndyq jasaǵan eken. Olar ózderiniń oıyn aldymen anasy Gúlderaıǵa jetkizgen. Alǵashqyda «jurt ne oılaıdy», «yńǵaısyzdyq bolmaı ma» degen oıdyń da qylań bergeni ras. Degenmen anasy qarsy bolǵan joq. Ulynyń sheshimine qoldaý bildirdi. Sondaı-aq, jas jubaılar jastar sherýin de uıymdastyrǵan eken.

«Bári de ózimiz oılaǵandaı boldy. Toı dástúrge saı jón-joralǵysymen ótti. Bizdiń toıymyzǵa kýáger bolǵan balalarymyzdyń da qýanyshynda shek joq», - deıdi olar.

Atalmysh toıdy basqarǵan jergilikti asaba Almasbek Moljigitov alǵashqyda ózine usynys túskende tańǵalysy bolǵany aıtady. Mán-jaıdy túsindirgennen keıin usynysty qýana qabyl alǵan.

«Óz tájirıbemde mundaı toı buryn-sońdy bolǵan emes. Onyń joǵary dárejede ótýine qoldan kelgenshe shyn yqylasymmen kiristim. Oǵan kelgen qonaqtar sany da az bolǵan joq. Aǵaıyn-týys júrekjardy lebizin bildirdi. Jalǵyz anasyna salmaq salmaı, óziniń azamattyq qasıetin kórsetken Talǵat pen onyń jigerin jyqpaı qoldaý kórsetken jary Mahabbatqa aq tilegin arnaǵan aǵaıynnyń sany az emes. Muny jas býynǵa ónege retinde kórsetýge bolady. Qazirgi jastar qıyndyqqa tóze bermeıdi. As ta tók toı jasap, artynan joly ekige ajyrap ketip jatqan otbasylar da kezdesedi. Bul - sondaı jandarǵa sabaq bolatyn kórinis», - dedi Almasbek Moljigitov.

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT