+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Qyzylordada joǵalǵan ańshyǵa qatysty oqıǵanyń jáı-japsary anyqtaldy

2020 jylǵy 30 qazan 23:35
Bólisińiz:
Qyzylordada joǵalǵan ańshyǵa qatysty oqıǵanyń jáı-japsary anyqtaldy

QYZYLORDA. QazAqparat - Qyzylorda oblysy Aral aýdanynda úsh kún buryn joǵalyp, búgin aman-esen tabylǵan 46 jastaǵy ańshy jigitke qatysty oqıǵanyń jáı-japsary belgili boldy, dep habarlaıdy QazAqparat tilshisi.

Eske salsaq, qus atýǵa shyqqan úsh jigittiń bireýi Aral aýmaǵyndaǵy elsiz dalada joǵalyp ketken bolatyn.

Ańshynyń týǵan-týystary men joldastary ony óz betinshe izdeýge tyrysqan. Aral aýdandyq polıtsııa bólimine bul jóninde habar kelip túskennen keıin mamandar qutqarýshylarmen birlesip, dereý izdestirý jumystaryna kirisedi.

Búgin tańerteń Aqtóbe oblysynda turatyn jigit elsiz dalada aman-esen tabyldy.

«Іzdeý jumystary ańshylardyń barǵan​ Kishi Aral teńiziniń «Kókaral» plotınasynan bastaldy. Oǵan ​ «Krona» qyzmettik ​ ıti, qajetti tehnıka jumyldyryldy. Sol aımaq dron arqyly zertteldi. ​ Joǵalǵan azamattyń sýreti barlyq polıtsııa beketine jiberildi. Іzdeý jumystarynyń nátıjesinde búgin saǵat 09.30 shamasynda joǵalǵan ańshy​ aman-esen tabyldy. Ol eldi mekennen shalǵaı ketip, baǵyt-baǵdarynan adasqanyn aıtady. Ol týystarymen aman-esen tabysty. Densaýlyǵyna eshqandaı qaýip ​ tónip turǵan joq. ​Polıtseıler oryn alǵan oqıǵaǵa baılanysty tekserý jumystaryn júrgizip, oqıǵanyń mán-jaıyn anyqtaýda», - dep málim etti Qyzylorda oblystyq polıtsııa departamentiniń baspasóz qyzmetinen.

Oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń bastyǵy Nursultan Ibragımovtiń aıtýynsha, joǵalǵan azamatty jergilikti ańshylar tapqan.

«Іzdestirý-qutqarý jumystary «Kókaral» plotınasynan 30 shaqyrym qashyqtyqta uıymdastyryldy. Oǵan 8 polıtsııa qyzmetkeri, aýdan ákimdiginiń 5 ókili jáne Qyzylorda oblysynyń Órt sóndirý qyzmeti Jedel-qutqarý jasaǵynan 4 qutqarýshy jumyldyrylǵan. Ony jergilikti ańshylar taýyp, qutqarýshylarǵa habar berdi», - dedi N.Ibragımov.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT