Qyzylordada jaza óteý tártibin buzǵan probatsııa esebindegi 6 azamat túzeý mekemesine jiberildi
2022 jylǵy 4 shilde 19:27

Qyzylordada jaza óteý tártibin buzǵan probatsııa esebindegi 6 azamat túzeý mekemesine jiberildi

QYZYLORDA. QazAqparat - Qazirgi tańda Qyzylorda qalalyq probatsııa qyzmetiniń esebinde 600-ge jýyq sottalǵan esepte tur, dep habarlaıdy QazAqparat.

Aımaqtaǵy Qylmystyq atqarý júıesi departamentiniń málimetinshe, olardyń ishinde kámelet jasqa tolmaǵandar men áıelder de bar. Probatsııa qyzmetiniń esebindegi sottalǵandardyń qoǵamda ózin shet sezinbeı, beıimdelýi úshin udaıy profılaktıkalyq jumystar júrgiziledi. Osyndaı sharalarǵa qaramastan, jazasyn óteý tártibin óreskel buzatyn sottalǵandar kezdesedi.

«Eseptegi azamattar arasynda sot júktegen mindetterdi oryndamaı, probatsııa ınspektorlarynyń eskertýlerine qulaq aspaǵan azamattardyń isteri probatsııa qyzmetiniń usynysy negizinde sotqa joldanady. Sot qaýlysymen onyń jazasynyń ótelmegen bóligi bas bostandyǵynan aıyrý jazasyna aýystyrylyp, túzeý mekemesine jiberiledi. Jyl basynan beri Qyzylorda qalalyq probatsııa qyzmeti baqylaýǵa alǵan 15 sottalǵan jazasyn óteý tártibin qasaqana buzǵany úshin jeke is-qujattary sotqa jiberildi. Sot qaýlysymen 6 azamattyń jazasynyń ótelmegen bóligi bas bostandyǵyn aıyrýǵa aýystyrylyp, qamaqqa alyndy. Al qalǵan sottalǵandardyń is-qujattary sotpen qaralýda», - deıdi qalalyq probatsııa qyzmetiniń bastyǵy ádilet maıory Jalǵas Esmahanov.



Jańalyqtar

Úrdis

MURAǴAT