FÝTBOLDAN ÁLEM ChEMPIONATY-2022

Qyzylordada jalǵan aqsha ótkizýmen uıymdasqan top múshelerine sot úkimi shyqty

2022 jylǵy 5 qazan, 21:55
Qyzylordada jalǵan aqsha ótkizýmen uıymdasqan top múshelerine sot úkimi shyqty

QYZYLORDA. QazAqparat - Qyzylorda oblysynda jalǵan aqshany el aýmaǵyna kirgizý jáne ótkizýmen aınalysqan transulttyq uıymdasqan toptyń múshelerine qatysty sottyń aıyptaý úkimi shyqty, dep habarlaıdy QazAqparat tilshisi.

Atalǵan uıymdasqan top músheleri TMD elderiniń azamattarynan qurylǵan. Olar shet memleketterdiń birinde jalǵan AQSh dollary men evrony shyǵarýdy, odan ári ony Qazaqstan aýmaǵyna kirgizý jáne ótkizýdi jolǵa qoıǵan.

«Jalǵan shetel aqshalary Almaty men Qyzylorda qalalaryna jetkizilip, ótkizilip otyrǵan. Quqyq qorǵaý organdarynyń qyzmetkerleri olardy jalǵan aqshanyń kelesi partııasyn Qyzylorda qalasynda ótkizý sátinde qolǵa túsirdi. Sot úkimimen atalǵan qylmystyq toptyń asa aýyr qylmys jasaǵanyn bile tura habarlamaǵany úshin Qazaqstan azamatshasy qylmystyq jaýapqa tartyldy. Arnaıy operatsııa júrgizý nátıjesimen olardan jalǵan 19 800 AQSh dollary jáne 500 evro tárkilendi», - dep málim etti Qyzylorda oblystyq prokýratýrasynan.

Vedomstvo málimetinshe, sot úkimi ázirge zańdy kúshine engen joq. Qylmystyq istiń apellıatsııalyq tártipte qaralýy kútilýde.

Toptyń 4 múshesi 9 jyldan 17 jylǵa deıin bas bostandyǵynan aıyryldy. Al 1-i 2 jylǵa bas bostandyǵy shekteldi.

Eske salsaq, bıyl Qyzylordada jol-kólik oqıǵasynan 91 adam qaza tapty.


Uqsas jańalyqtar
Seriktester jańalyqtary

Jańalyqtar