Qyzylordada úshem dúnıege keldi

QYZYLORDA. QazAqparat - Qyzylorda oblysynda úshem dúnıege keldi. Qazaly aýdanyna qarasty Ú.Túktibaev aýylynyń turǵyny Áıgerim Mahambetjanova Aıǵant, Aıǵanym jáne Asylym esimdi úsh qyzdy ómirge ákeldi, dep habarlaıdy QazAqparat tilshisi.

Uqsas jańalyqtar

Mańǵystaýda sońǵy 30 jylda alǵash ret tórtem dúnıege keldi

Oblystyq densaýlyq saqtaý basqarmasy baspasóz qyzmetiniń habarlaýynsha, nárestelerdiń salmaǵy 1300-1700 grammdy quraǵan. Al boılary 38-41 santımetr aralyǵynda boldy.

Qýanysh Altynbaev pen Áıgerim Mahambetjanovanyń budan buryn bes perzenti bar bolatyn. Osylaısha olar endi segiz balanyń ata-anasy atandy.

«Qyzdarymnyń aman-esen dúnıege kelýine dárigerler qolaıly jaǵdaı jasady. Osy rette oblystyq densaýlyq saqtaý basqarmasynyń basshysyna, oblystyq «Ana men bala» ortalyǵynyń qyzmetkerlerine alǵysymdy bildiremin», - dedi úshemniń ákesi.

Náresteler jedel járdem sanıtarlyq avtokóligimen Qazaly aýdany Túktibaev aýylyna jetkizildi.

Oblystyq perınataldyq ortalyǵynda bıyl jyl basynan 4505 náreste dúnıege kelgen. Onyń ishinde 75 egiz, 2 úshem dúnıe esigin ashty.