Qyzylordada turǵyndardan qymbat kólikterdi aldap alyp ketken jigit ustaldy
2022 jylǵy 6 shilde 23:15

Qyzylordada turǵyndardan qymbat kólikterdi aldap alyp ketken jigit ustaldy

QYZYLORDA. QazAqparat - Qyzylorda oblysynda elimizdiń birneshe qala turǵynynan qymbat baǵaly kólikterdi aldap alyp ketken alaıaq qolǵa tústi, dep habarlaıdy QazAqparat tilshisi.

Qyzylordalyq polıtseıler ótken jyldan beri Almaty, Taraz, Kentaý jáne Túrkistan qalalary turǵyndaryn aldap ketken alaıaqty qolǵa túsirdi. Ol jarnama saıttarynda satylymǵa shyqqan kólikterdi aldyn ala belgili bóligine tólem jasaý arqyly alyp ketip, aqshanyń qalǵan bóligin birneshe kúnde ótep beretinine ýáde etken.

«Kólikterdi qymbat baǵaǵa bóten adamdarǵa satyp jibergen. Aldymen olardy esepten shyǵaryp, turǵyndardy kóliksiz qaldyrǵan. Aldanǵan turǵyndar onyń ústinen polıtsııaǵa aryz túsirgen. Jedel-izdestirý sharalary barysynda Jańaqorǵan aýdanynyń 32 jastaǵy turǵyny ustaldy. Buǵan baılanysty QR Qylmystyq kodeksiniń 190-baby (Alaıaqtyq) boıynsha sotqa deıingi tergep-tekserý áreketteri júrgizilýde», - dep málim etti Qyzylorda oblstyq polıtsııa departamentinen.

Vedmostvo kúdiktiniń buǵan deıin de qylmystarǵa qatysy bar ekeni anyqtalǵanyn málimdedi. Qazir odan zardap shekken ózge de azamattar naqtylanýda.

Eske salsaq, budan buryn Qyzylorda oblysynda iri kólemdegi esirtki alqaby anyqtaldy.

Sondaı-aq, Qyzylordada oq atyp, adam jaraqattaǵan kúdikti qolǵa tústi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT