Jańalyqtar  >

Qyzylordada tanysyn óltirýge oqtalǵan kúdikti qolǵa tústi

2022 jylǵy 5 qazan, 20:30
Qyzylordada tanysyn óltirýge oqtalǵan kúdikti qolǵa tústi

QYZYLORDA. QazAqparat - Qyzylordada tanysyn óltirýge oqtalǵan kúdikti qamaýǵa alyndy, dep habarlaıdy QazAqparat tilshisi.

Budan buryn habarlaǵanymyzdaı, Oqıǵa búgin, 5 qazanda Qyzylorda qalasynda bolǵan. 56 jastaǵy azamat atys qarýymen 43 jastaǵy tanys áıeldi jaraqattap , oqıǵa ornynan qashqan.

«Kúdiktiniń kim ekeni anyqtalyp, polıtsııa tarapynan jedel-izdestirý is-sharalary júrgizildi. Kúdikti qolǵa túsip, ýaqytsha ustaý abaqtysyna qamaldy. Aıǵaqty zattar alyndy. Atalǵan derek boıynsha QR Qylystyq kodeksiniń 24-babynyń 3-bóligi 99-baby 1-bóligimen (Adam óltirýge oqtalý) sotqa deıingi tergep-tekserý áreketteri júrgizilýde», - dedi Qyzylorda qalalyq Polıtsııa basqarmasy tergeý bóliminiń bastyǵy Raqymjan Sultanqulov.

Vedomstvo málimetinshe, jábirlenýshi qalalyq aýrýhananyń jansaqtaý bólimine jatqyzylǵan. Oǵan ota jasalyp, dárigerlik baqylaýǵa alyndy.


Uqsas jańalyqtar
Seriktester jańalyqtary

Jańalyqtar