Jańalyqtar  >
Qyzylordada tanysyn óltirgen er adam 13 jylǵa sottaldy
2022 jylǵy 10 tamyz 02:38

Qyzylordada tanysyn óltirgen er adam 13 jylǵa sottaldy

QYZYLORDA. QazAqparat - Qyzylordada tanysyn óltirgen er adam 13 jylǵa sottaldy, dep habarlaıdy QazAqparat tilshisi.

Oqıǵa bıyl naýryz aıynda bolǵan.

Qyzylorda qalalyq polıtsııa basqarmasyna qaladaǵy saıajaıdyń birinde kisi ólimi bolǵany jóninde habarlama túsken.

Tekserý barysynda qaza bolǵan azamat tanysy ekeýi ishimdik ishkeni anyqtaldy. Keıinnen ekeýiniń arasynda janjal týyndaǵan.

Tanysy ashana bólmesinde onyń basynan jáne dene tusynan kóseýishpen uryp-soqqan. Alǵan soqqydan er azamat oqıǵa ornynda kóz jumǵan.

Búkil aıǵaq zattar dáleldeme retinde alyndy. Jedel-izdestirý nátıjesinde polıtsııa qyzmetkerleri kúdiktini izin sýytpaı ustady.

«Kúdiktiniń is-áreketi QR Qylmystyq kodeksiniń 99-babynyń 1-bóligimen (Adam óltirý) saralanyp, obektıvti tergep-tekserý áreketteri júrgizilgen. Ol ylmystyq-protsestik kodeksstiń 300-babyna sáıkes aıyptaý aktisimen sotqa joldandy», - dep málim etti Qyzylorda oblystyq polıtsııa departamentinen.

Vedomstvo málimetinshe, Qyzylorda oblysynyń qylmystyq ister jónindegi mamandandyrylǵan aýdanaralyq sotynyń úkimimen aıyptalýshyǵa 13 jyl merzimge bas bostandyǵynan aıyrý jazasy taǵaıyndaldy.

Eske salsaq, budan buryn Qyzylordada jasóspirimdi qaǵyp óltirgen mas júrgizýshi 1,5 jylǵa sottalǵan edi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT