Qyzylordada taǵy bir iri esirtki alqaby joıyldy
QYZYLORDA. QazAqparat - Qyzylordalyq polıtseıler taǵy da iri esirtki alqabyn joıdy, dep habarlaıdy QazAqparat tilshisi.
Bul maqsatta Qyzylorda oblysy Polıtsııa departamenti Esirtki qylmysyna qarsy is-qımyl basqarmasy, QR Ulttyq qaýipsizdik komıteti Qyzylorda oblysy jáne Baıqońyr departamenti birlesip jedel is-shara júrgizdi.
Nátıjesinde Qyzylorda qalasynyń 34 jastaǵy qala turǵynynyń Shıeli aýdanyna qarasty dalalyq jerdegi qalyń sekseýil arasynda 1 665 túp sora ósimdigin ekkeni anyqtaldy.
«Kúdikti Shıeli aýdandyq polıtsııa bóliminiń ýaqytsha ustaý ızolıatoryna oqshaýlandyryldy. Atalǵan derek boıynsha QR Qylmystyq kodeksiniń 296-babynyń 3-bóligimen jáne 300 -babynyń 2-bóligimen sotqa deıingi tergep-tekserý áreketteri júrgizilýde», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylorda oblysynda qalyń sheńgel arasynan iri esirtki alqaby anyqtaldy.
