+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Qyzylordada stýdentter kóne Jankent qalashyǵyn zertteıtin boldy

2019 jylǵy 19 maýsym 05:49
Bólisińiz:
Qyzylordada stýdentter kóne Jankent qalashyǵyn zertteıtin boldy

QYZYLORDA. QazAqparat - Qyzylordalyq stýdentter arheologııalyq qazba jumystary ekspedıtsııasyna qatysýǵa múmkindik aldy. Olar Jankent qalashyǵynda kezekti dalalyq zertteý sharalaryna qatysyp júr, dep habarlaıdy QazAqparat tilshisi.

Atalmysh shara QR Tuńǵysh Prezıdenti - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda qolǵa alynyp otyr. Bul baǵytta Qorqyt Ata atyndaǵy Qyzylorda memlekettik ýnıversıteti tıisti is-sharalardy qolǵa aldy. Baǵdarlamanyń «Qazaqstannyń sakraldy geografııasy» arnaıy jobasy aıasynda ýnıversıtet janyndaǵy «Arheologııa jáne etnografııa» ǵylymı-zertteý ortalyǵy ortaǵasyrlyq Jankent qalashyǵynda kezekti dalalyq zertteý jumystaryn bastap ketti.
Sondaı-aq, oǵan joǵarý oqý ornynda arheologııa jáne etnologııa mamandyǵy boıynsha bilim alyp júrgen stýdentter de tartyldy. Nátıjesinde bilim alýshy jastar ekspedıtsııa barysynda óndiristik tájirıbeden ótedi. Olarǵa Arheologııa jáne etnografııa ǵylymı-zertteý ortalyǵynyń jetekshisi, PhD doktor Ázilhan Tájekeev jetekshilik etip keledi. Jas mamandar arheologııalyq barlaýdy júrgizý ádisterimen de tanysyp, tájirıbelik bilimderin shyńdaıdy.

«Jastar alǵashqy kúni ortaǵasyrlyq Jankent qalasynyń jáne onda júrgizilgen arheologııalyq zertteý jumystarynyń tarıhymen tanysty. Oǵan qosa qazba nysanynyń ornyn daıyndaý jáne kólemin anyqtaý, qazba barysynyń fotoqujattamasyn daıyndaý, qazba nysanynyń syzbasyn daıyndaý jáne qazba jumystarynan alynǵan jádigerlerdi jınaqtaý, tazalaý, óńdeý syndy arheologııalyq qazba jumystaryn júrgizýdiń ádisterin úırendi», - dedi Ázilhan Tájekeev.

Stýdentter qazba jumysynan tys ýaqytta olar Qazaly aýdanyna qarasty Káýkeı aýylynda ornalasqan ortaǵasyrlyq Saraman-qosa munarasymen tanysty.
Eske sala ketsek, 2005-2019 jyldar aralyǵynda Jankent eskertkishinde 9 qazba nysany salyndy. Bul eskertkishte qazba jumystarymen qatar qaıta qalpyna keltirý jáne mýzeefıkatsııa jumystary da qolǵa alynǵan.

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT