+7 (701) 759 90 19
USD 377.29 EUR 418.41
RUB 6.09 CNY 54.66
Jańalyqtar

Qyzylordada «Smart Qyzylorda» mobıldik qosymshasy iske qosyldy

2019 jylǵy 6 jeltoqsan 22:52
Bólisińiz:
Qyzylordada «Smart Qyzylorda» mobıldik qosymshasy iske qosyldy

QYZYLORDA. QazAqparat - Búgin Qyzylordada «Smart Qyzylorda» mobıldik qosymshasy iske qosyldy. Qosymsha «Smart Qyzylorda: Aımaqtyń tsıfrlyq transformatsııasy» taqyrybymen alǵash ótken forým barysynda tanystyryldy, dep habarlaıdy QazAqparat tilshisi.

Uqsas jańalyqtar
Elimizdegi eń «aqyldy» qalalar anyqtaldy Avtokólikti qaıta tirkeý: Onlaın qyzmetti paıdalanǵandar 100 myńnan asty Asqar Mamın tsıfrlyq ekonomıka men ınnovatsııalardy damytý jóninde keńes ótkizdi

Sharaǵa QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Abylaıhan Ospanov, oblys ákimi Qýanyshbek Ysqaqov qatysty, sheteldik jáne otandyq ІT-qaýymdastyqtar men jergilikti atqarýshy organdardyń ókilderi qatysty.

ІT forýmnyń maqsaty – memlekettik sektor men eldiń bıznes-qaýymdastyq ókilderiniń arasynda tsıfrlandyrý boıynsha tájirıbesimen bólisip, ıdeıa almasýǵa arnalǵan biryńǵaı alań qurý. Forým aıasynda Malaızııa, Tatarstan elderinen kelgen spıkerler tsıfrlandyrý salasynda ózderiniń tájirıbeleri týraly aıtty.

Sonymen qatar, forým alańynda Qyzylorda oblysyndaǵy «Tsıfrlyq Qazaqstan» memlekettik baǵdarlamasy aıasynda tsıfrlandyrý jobalarynyń tusaýkeseri men kórmesi uıymdastyryldy. «Aqyldy qalany» qalyptastyrý boıynsha sheteldik, otandyq IT-kompanııalardyń úzdik tájirıbesi boıynsha arnaıy baǵdarlama usynyldy.

«Búgingi «Smart Qyzylorda: Aımaqtyń tsıfrlyq transformatsııasy» taqyrybyndaǵy forým adamı kapıtaldy damytýǵa, aımaqta júzege asyrylǵan jobalardy turǵyndarǵa tanystyrýǵa, TMD memleketterimen tájirıbe almasýǵa, jobalarǵa kásipkerlerdi, ınvestorlardy tartýǵa jáne de startap jobalardy qoldaýǵa baǵyttalady», - dedi oblys ákimi Qýanyshbek Ysqaqov.

Forým aıasynda oblys ákimi «Smart Qyzylorda» mobıldik qosymshasyn iske qosty. «Smart Qyzylorda» qalanyń turǵyndary men qonaqtaryn birtutas biriktirilgen júıe arqyly túrli salalardaǵy qyzmetterdi paıdalanýǵa múmkindik beredi.

Sondaı-aq, forýmda óńirde aýyl sharýashylyǵyn tsıfrlandyrý baǵyty boıynsha júzege asyrylǵan Qazaqstandaǵy tuńǵysh tsıfrly kúrish aqtaý zaýyty jáne «Akmaýa Smart Farm» fermasynyń jumysy tanystyryldy. «Maǵjan jáne K» JShS tsıfrly kúrish aqtaý zaýyty saǵatyna 5 tonna kúrishti óndeýge arnalǵan. Kásiporynda Ońtústik Koreıanyń «DAEWON GSI» kúrish óndirýdegi tsıfrly tehnologııasy paıdalanylady. Barlyq protsester avtomattandyrylǵan júıe arqyly basqarylady. Shıeli aýdanyndaǵy «Aqmaıa» sharýa qojalyǵy FMIS - «aqyldy ferma» zııatkerlik geoaqparattyq formany qoldanatyn pılottyq sharýashylyq. Ol jedel navıgatsııany, óris derekterin tolyq taldaýdy jáne óndiristik protsesterdiń monıtorıngin qamtıdy.

Atalǵan shara sheńberinde bıylǵy jyldyń 30 qarashasynda ótken «SMART QYZYLORDA HACKATHON» baıqaýynyń jeńimpazdaryn QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Abylaıhan Ospanov marapattady.

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT