+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Qyzylordada sheteldik ýnıversıtetterge túsýge daıyndaıtyn ortalyq ashylady

2019 jylǵy 22 mamyr 22:24
Bólisińiz:
Qyzylordada sheteldik ýnıversıtetterge túsýge daıyndaıtyn ortalyq ashylady

NUR-SULTAN. QazAqparat - Bıyl Qyzylordada Nazarbaev zııatkerlik mektebiniń bazasynda álemniń úzdik joǵary oqý oryndaryna túsýge daıyndaıtyn ortalyq ashý josparlanýda. Bul týraly oblys ákimi Qyrymbek Kósherbaev daryndy túlektermen kezdesý barysynda málimdedi, dep habarlaıdy óńirlik ákimdiktiń baspasóz qyzmeti.

Kezdesýge respýblıkalyq jáne halyqaralyq baıqaýlardyń, olımpıadalardyń 55 qatysýshysy shaqyryldy, olar bıyl 58 júldeli orynǵa ıe boldy - 15 altyn, 13 kúmis jáne 30 qola medal.

Q.Kósherbaev talapty jastarmen aımaqtyń damýy týraly suhbattasyp, balalardyń suraqtaryna jaýap berdi.

"Ekinshi jyl qatarynan bizdiń mektep túlekteriniń 97% joǵary oqý oryndary men kolledjderge túsedi. Endi biz kem degende oblystyq mektep bitirýshileriniń 50% joǵary oqý oryndaryna, onyń ishinde Qazaqstandaǵy oqý oryndary ǵana emes, sheteldik ýnıversıtetterge de oqýǵa túsýin kózdep otyrmyz. Bizdiń endigi maqsatymyz - aımaq jastarynyń Garvard, Iel jáne Massachýsets ýnıversıtetterinde bilim alýyna jaǵdaı jasaý. Sondaı-aq, talantty jastarǵa kásipkerlik, dızaın, kommýnıkatsııa sııaqty salalarda jańa tehnologııalardy engizetin jáne qoldanatyn Reseıdiń «Kvantorıým», «Sırıýs» sekildi iri ortalyqtardyń tájirıbesin meńgertý», - dedi aımaq basshysy.

Osy maqsatta qyzylordalyq oqýshylardy "Bolashaq" baǵdarlamasynyń túlekteri qurǵan elordalyq "Astana Garden School" jeke menshik mektebinde oqytýdy uıymdastyrý jáne Nazarbaev zııatkerlik mektebiniń bazasynda oqýshylardy shet memlekettegi irgeli ýnıversıtetterge túsýge daıyndaıtyn arnaıy ortalyq ashý josparlanýda. Bul tájirıbe 2016 jyldan bastap elordada júzege asyrylýda.

Túrli baǵyttaǵy jetistikteri úshin daryndy túlekterge "Syr daryny" medaldary, oblys ákiminiń alǵys hattary men syılyqtar tabystaldy.

Esterińizge sala keteıik, 2014 jyldan bastap Reseıdiń jetekshi ınjenerlik JOO-na RF úkimetiniń granty esebinen syrboıylyq 500-ge jýyq túlek oqýǵa qabyldandy. Alǵashqy 32 túlek oqýyn aıaqtap, 2018 jyly elge oraldy. Olar qazirgi tańda aımaq kásiporyndarynda jumys istep jatyr. Al 42 túlek oqýyn magıstratýrada jalǵastyrdy. Bıyl taǵy 123 túlek oqýyn támamdaıdy dep kútilýde. 2018 jyly Máskeý jáne Sankt-Peterbýrgtiń joǵary oqý oryndaryna 58 qyzylordalyq jas oqýǵa tústi.

Bıyl 5754 túlektiń 4143 UBT tapsyrady. Onyń ishinde 412 túlek - "Altyn belgige", 270 oqýshy - erekshe attestatqa úmitker.

Bizdiń kanalymyzǵa jazylyńyz:

Basty sózder: Qyzylorda oblysy, Bilim, JOO-lar, Ákimdik,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT