Qyzylordada sekseýildi zańsyz kesken qala turǵyny ustaldy
2022 jylǵy 13 tamyz 10:43

Qyzylordada sekseýildi zańsyz kesken qala turǵyny ustaldy

QYZYLORDA. QazAqparat - Qyzylorda oblysynda sekseýildi zańsyz kesken qala turǵyny ustaldy, dep habarlaıdy QazAqparat tilshisi.

Oblys aýmaǵynda 8-18 tamyz aralyǵynda «Kıik» jedel-profılaktıkalyq is-sharasy ótedi. Іs-sharanyń maqsaty - tabıǵatty qorǵaý zańnamasyn buzýshylyqtardy, bıologııalyq resýrstar obektileri men ónimderiniń zańsyz aınalymynyń aldyn alý.

«Іs-shara aıasynda oblys ortalyǵynda 40 jastaǵy qala turǵynynyń basqarýyndaǵy Volvo júk kóligi toqtatyldy. Tekserý barysynda avtokóliktiń júk salǵyshynan zańsyz kesilgen sekseýil anyqtaldy. Atalǵan derek boıynsha QR Qylmystyq kodeksiniń 339-babynyń 1-bóligimen sotqa deıingi tergep-tekserý áreketteri júrip jatyr. Onda ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý jaǵdaıy kórsetilgen», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada kólik basqarý quqyǵynan aıyrylǵan júrgizýshi polıtseılerden qashpaq boldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT