Qyzylordada revaktsınatsııadan 192 adam ótti
2021 jylǵy 30 qarasha 04:32

Qyzylordada revaktsınatsııadan 192 adam ótti

QYZYLORDA. QazAqparat - Qyzylordada koronavırýsqa qarsy qaıta vaktsınatsııalaýdan oblys boıynsha 192 adam ótti, dep habarlaıdy QazAqparat tilshisi.

Aıta keteıik, óńirde ótken aptada revaktsınalaý jumystary ótken aptada bastaldy.

Qazirgi kezde koronavırýsqa qarsy qaıta vaktsınatsııadan oblys boıynsha 192 adam ótti.

«Qazirge deıin oblysta vaktsınanyń birinshi komponentimen egilgender sany - 403 511 adam. Ol ekpe qabyldaýǵa qabiletti turǵyndardyń 89,2 paıyzyn quraıdy. Ekinshi komponentpen – 344 815 (76,2 paıyz) adam egildi», - deıdi oblystyq densaýlyq saqtaý basqarmasy basshysynyń orynbasary Jangeldi Shaıymbetov.

Óńirde indet bastalǵaly beri koronavırýs ınfektsııasymen 19294 naýqas tirkeldi.

Ótken táýlikte 5 jaǵdaı anyqtaldy. Jalpy emdelip shyqqany 97 paıyzdy quraıdy.

Oblys boıynsha ınfektsııalyq statsıonarda 117 naýqas, reanımatsııalyq tósek-orynda 14 naýqas em qabyldap jatyr.

Eske salsaq, budan buryn Qyzylorda oblysynda 2 016 turǵyn Pfizer vaktsınasyn saldyrdy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT