Qyzylordada polıtsııa kıimin kıgen jumysshynyń kim ekeni anyqtaldy
2022 jylǵy 29 qańtar 03:30

Qyzylordada polıtsııa kıimin kıgen jumysshynyń kim ekeni anyqtaldy

QYZYLORDA. QazAqparat - Qyzylorda oblysynda polıtsııa qyzmetkeriniń kıimin kıgen mekeme tazalyq mekemesiniń jumysshysy jazaǵa tartyldy, dep habarlaıdy QazAqparat tilshisi.

Áleýmettik jelide Qyzylorda qalasynda polıtsııa qyzmetkeriniń arnaýly kıimin kıip alyp, tazalyq jumystaryn atqaryp júrgen jas jigittiń beınejazbasy taraǵan bolatyn.

Osyǵan baılanysty ýchaskelik polıtseıler izdestirý jumystaryn atqardy.

«Nátıjesinde 24 jastaǵy qala turǵyny basqarmaǵa jetkizildi. Oǵan qatysty QR Ákimshilik quqyq buzýshylyq týraly kodeksiniń 675-baby 1-tarmaǵy boıynsha hattama toltyryldy. Onda aıyrym belgileri jáne (nemese) nyshany bar áskerı kıim nysanyn, sondaı-aq nysandy kıim men arnaýly kıim-keshekti zańsyz kıip júrý jaǵdaıy kórsetilgen», -dep málim etti Qyzylorda qalalyq polıtsııa basqarmasynan.

Eske salsaq, budan buryn Qyzylorda turǵynynan áskerı qyzmetshilerge tıesili qarý-jaraq tabyldy.


Jańalyqtar

MURAǴAT