Qyzylordada oq atyp, adam jaraqattaǵan kúdikti qolǵa tústi
2022 jylǵy 6 shilde 12:10

Qyzylordada oq atyp, adam jaraqattaǵan kúdikti qolǵa tústi

QYZYLORDA. QazAqparat – Qyzylorda oblysy Jalaǵash aýdanynda oq atyp, adam jaraqattaǵan kúdikti qolǵa tústi, dep habarlaıdy QazAqparat tilshisi.

Anyqtalǵanyndaı, oqıǵa Jalaǵash aýdanynyń ortalyǵynda bolǵan. Jas jigit qarýdy kóshe boıynda qoldanady.

«Atalǵan oqıǵaǵa baılanysty «Sotqa deıingi tergep-tekserýdiń biryńǵaı tizilimine» Qylmystyq kodekstiń 24-baby 3-bóligi jáne 99-baby 1-bóligimen (adam óltirýge oqtalý) qylmystyq is tirkeldi. Kúdikti ýaqytsha ustaý abaqtysyna oqshaýlandyryldy. Qylmystyq is boıynsha tıisti saraptamalar taǵaıyndalyp, tolyq jáne obektıvti tergep-tekserý jumystary júrgizilip jatyr», - dep málim etti Qyzylorda oblystyq polıtsııa departamentinen.

Vedomstvo qylmystyq-protsestik kodeksiniń 201-babynyń talaptaryna sáıkes basqa derek jarııalaýǵa jatpaıtynyn málimdedi.

Eske salsaq, budan buryn Qyzylordada asa iri mólsherde esirtki tasymaldaǵandar ustalǵan bolatyn.


Uqsas jańalyqtar

Jańalyqtar

Úrdis

MURAǴAT