+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Qyzylordada Manap Kókenovtiń dombyrasy jarty ǵasyrǵa jýyq saqtalyp tur

2021 jylǵy 4 shilde 17:02
Bólisińiz:
Qyzylordada Manap Kókenovtiń dombyrasy jarty ǵasyrǵa jýyq saqtalyp tur

QYZYLORDA. QazAqparat - Qyzylorda oblystyq tarıhı-ólketaný mýzeıinde aıtystyń aqtańgeri atanǵan Manap Kókenovtiń dombyrasy jarty ǵasyrǵa jýyq saqtalyp tur, dep habarlaıdy QazAqparat tilshisi.

Bul jóninde Qyzylorda oblystyq tarıhı-óketaný mýzeıiniń ǵylymı qyzmetkeri Lázzat Jalǵasbaıqyzynyń aıtýynsha, qazaq eline aty máshhúr Manap Kókenovtyń qolynyń taby tıgen, saýsaǵynyń izi qalǵan qara dombyraǵa munda kelýshiler úlken qyzyǵýshylyq bildiredi. Dombyra oblystyq tarıhı-ólketaný mýzeıiniń «Mádenıet jáne óner» zalynda ornalasqan.

«1972 jyly qyrkúıek aıynda Kentaý qalasynyń «Achpolımetall» kombınatynyń ujymy Manap aqynmen kezdesý keshin uıymdastyrady. Sol keshte aıtysker aqynnyń ónerine tánti bolǵan kombınat ujymy oǵan dombyra tartý etedi. Oǵan dálel dombyranyń betine oıylyp jazylǵan qoltańba. Atalǵan qundylyq óńdelgen qaraǵaıdan quralyp jasalǵan. Basynan shanaǵyna deıingi aralyq oıýmen kómkerilip, bezendirilgen», - deıdi mýzeı qyzmetkeri.

Aıta keteıik, Manap Kókenov 1928 jyly Jańaqorǵan aýdany Eski Talap aýylynda dúnıege kelgen. Qazir atalǵan eldi meken aqynnyń esimimen atalady.

«Aqynnyń talanty men ónerine razy bolǵan Ábdildá Tájibaev «Manaptyń ózi – bir teatr» dep óshpes baǵa bergen eken. Manap aqynnyń Syr súleıleriniń óshpes ónegesin jalpaq jurtqa tanytty», - deıdi Lázzat Jalǵasbaıqyzy.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT