Qyzylordada qymbat kólik satyp alyp, 6 jyldan beri aqshasyn bermeı júrgen turǵyn ustaldy

QYZYLORDA. QazAqparat - Qyzylordada alty jylǵa jýyq ýaqyttan beri satyp alǵan qymbat kóliginiń aqshasyn bermeı júrgen 34 jastaǵy turǵyn ustaldy, dep habarlaıdy QazAqparat tilshisi.

Uqsas jańalyqtar

Óskemen turǵynyn aldap soqqan almatylyq alaıaq ustaldy

Jambylda on tórt adamnyń 15 mln teńgesin qaltasyna basqan alaıaq ustaldy

Bul jóninde 27 aqpanda jergilikti turǵyn polıtsııaǵa habarlasqan.

Ol óz aryzynda 2015 jyldyń jeltoqsan aıynda «Toyota Land Cruiser» avtokóligin qolhat arqyly satqanyn kórsetken.

Biraq, satyp alýshy sodan beri aqshasyn qaıtarýǵa asyqpaǵan.

Jábirlenýshige keltirilgen zalal sol kezdegi aqshamen eseptegende 2 mln teńgege jýyq qarjyny quraıdy.

Qyzylorda qalalyq polıtsııa basqarmasynyń qyzmetkerleri kúdiktini anyqtady. Qolǵa túsken 34 jastaǵy er adam óz áreketin tolyqtaı moıyndady.

Qolhat arqyly kólik satyp alǵanyn, biraq tólemin jasamaǵanyn aıtty.

«Bul boıynsha QR Qylmystyq kodeksiniń 190-baptyń 1-bóligimen sotqa deıingi tergep-tekserý júrgizilýde. Onda alaıaqtyq, ıaǵnı bótenniń múlkin jymqyrý nemese aldaý nemese senimdi teris paıdalaný joly, bóten múlikke quqyqty ıemdený jaǵdaıy kórsetilgen. Oqıǵanyń mán-jaıy anyqtalýda», - dep málim etti Qyzylorda qalalyq polıtsııa basqarmasynan.